Dva kiraŭniki śpiecyjalnaj delehacyi Jeŭrapiejskaha parłamienta, jakaja tolki što viarnułasia z Ukrainy i mieła pieramovy z usimi klučavymi ŭdzielnikami palityčnaha pracesu, zajavili, što nastupnym premjer-ministram Ukrainy, vierahodna, budzie lidar «Baćkaŭščyny» Arsienij Jacaniuk.
Pra heta na pres-kanfierencyi ŭ čas siesii Jeŭraparłamientu ŭ Strasburhu zajavili kiraŭniki delehacyi — staršynia Kamiteta pa zamiežnych spravach Jeŭraparłamienta Ełmar Brok i vice-staršynia delehacyi partuhalski jeŭradeputat Ana Homieš.
«My sustrelisia z usimi klučavymi palityčnymi hulcami kali byli ŭ Kijevie. My sustrelisia z nastupnym premjer-ministram, jakim, vierahodna, budzie Jacaniuk», — skazaŭ Brok.
«Jacaniuk, chutčej za ŭsio, budzie nastupnym premjer-ministram časovaha ŭrada», — skazała Homieš, raspaviadajučy pra sustrečy ŭ Kijevie.
Kamientary