Kamientar Redakcyi: u vypadku eskałacyi situacyi vakoł Kryma Biełarusi patrebna budzie nacyjanalnaje adzinstva
Źjaŭleńnie rasijskich vajskoŭcaŭ u Krymie, nadańnie Rasijaj harantyj biaśpieki Viktaru Janukoviču i vyznańnie jaho Maskvoj zakonnym kiraŭnikom Ukrainy aznačajuć, što situacyja moža pieraraści ŭ poŭnamaštabnaje supraćstajańnie sa źmienaj miždziaržaŭnych miežaŭ. Eskałacyja moža zajści daloka. Tryvožnym faktam stała nacyjanalistyčnaja i antyŭkrainskaja isteryja ŭ rasijskich ŚMI, paraŭnalnaja z tym, što było ŭ Hiermanii ŭ 1937—1938-m, pierad «uźjadnańniem» sudeckich niemcaŭ.
U toj ža čas Ukraina, daviedzienaja za 2010—2014 da miažy ekanamičnaha bankructva, mała što moža zrabić u adkaz. U Kijeva prosta niama hrošaj dla finansavańnia jakichści nadzvyčajnych krokaŭ u śfiery biaśpieki. I heta važnaja navuka dla Biełarusi, taksama zaležnaj ad cenaŭ na rasijskija enierhanośbity.
U intaresach Biełarusi, jak i inšaj krainy z Mytnaha sajuza, Kazachstana — kab miežy va Uschodniaj Jeŭropie zastalisia niaźmiennymi, a Ukraina zachavała terytaryjalnuju cełasnaść.
U vypadku eskałacyi ŭ Krymie i va Ukrainie Biełarusi spatrebicca nacyjanalnaje adzinstva i strymanaść. Usie palityčnyja sprečki miž uładami i apazicyjaj varta budzie adkłaści ŭ bok. I kanflikt miž aficyjnym Minskam i Zachadam taksama pavinien być spynieny. Pieradumovy dla hetaha stvaryła b vyzvaleńnie ŭsich palitviaźniaŭ i dalejšaje ŭmacavańnie nacyjanalnaj śviadomaści biełarusaŭ.
Jak i padčas rasijska-hruzinskaj vajny 2008-ha, padziei ŭ Krymie nahadvajuć usim pra naš kansensus u pytańni niezaležnaści Biełarusi i pra važnaść nacyjanalnaha adzinstva ŭ bazavych pytańniach.
-
400‑tysiačny artykuł apublikavany na sajcie «Našaj Nivy». A pra što byli 300-tysiačny, 200-tysiačny, 100-tysiačny?
-
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam
-
Kali vy pracujecie ŭ Polščy, to možacie za chvilinu padtrymać «Našu Nivu» 1,5% padachodnaha, nie patraciŭšy ani hroša. Voś jak
Kamientary