Michaił Chadarkoŭski vystupiŭ sa sceny na Majdanie Niezaležnaści ŭ Kijevie.
Były kiraŭnik «JUKASa» zajaviŭ, što rasijskija ŭłady zaachvočvali siłavyja dziejańni ŭkrainskaj milicyi suprać pratestoŭcaŭ na vulicach Kijeva. Taksama Chadarkoŭski abvinavaciŭ u chłuśni fiederalnyja rasijskija telekanały, pa viersii jakich pa Kijevie chodziać niekiravanyja ŭzbrojenyja bandy, jakija składajucca z ukrainskich nacyjanalistaŭ.
«Rasiejskaja prapahanda jak zaŭsiody chłusić. Fašystaŭ i nacystaŭ tut nie bolš, čym na vulicach Maskvy ci Piciera. Tut narmalnyja chłopcy. Ruskija, ukraincy, krymskija tatary, maje ravieśniki, voiny- afhancy. Heta vydatnyja ludzi, jakija adstajali svaju svabodu», — skazaŭ Chadarkoŭski.
«Ja chaču, kab vy viedali - jość inšaja Rasija. Jość ludzi, jakija, niahledziačy na aryšty, vychodzili na antyvajennyja mitynhi. Jość ludzi, dla jakich siabroŭstva Ukrainy i Rasii značna vyšej za ŭłasnuju svabodu.
Ja vieru, što ŭ Rasii i va Ŭkrainie ahulny jeŭrapiejski šlach raźvićcia. Boritiesia i poborietie, vam Boh pomahaje», — pracytavaŭ Chadarkoŭski Tarasa Šaŭčenku, čyjo 200-hodździe śviatkujecca siońnia na Majdanie.
Ludzi sustreli eks-kiraŭnika «JUKASa» krykami «Rasija, ustavaj!», a pravodziła skandavańniem «Małajčyna» i «Dziakuj».
Kamientary