Chadarkoŭski ŭ Kijevie: Nafta kiruje śvietam, a Pucin car
Vysnovy ź lekcyi (i nastupnaj dyskusii) Chadarkoŭskaha ŭ KPI, — piša ŭ Fejsbuku Nataliya Lyutenko, jakaja prysutničała ŭ zale:
«1. Nafta kiruje śvietam.
2. Pucin — car.
3. Zachad nie dapamoža, bo hł. p.1. i p.2.
4. Vy — nacyja, ale p.1 i p.2.
5. Demakratyja va Ukrainie — heta dobra, ale p.1 i p.2.
6. Paŭnočny Kaŭkaz naš, i my budziem abaraniać jaho sa zbrojaj u rukach, kali spatrebicca, tamu treba pryznać takoje prava i za Ukrainaj u dačynieńni da Kryma, adnak Ukrainie treba pamiatać, što p.1 i p.2.
7. Što rabić? Ukrainie treba iści na kampramis, damaŭlacca, stvarać u Krymie zonu «sumiesnaha kiravańnia» (ci niešta kštałtu taho, nie zrazumieła) z RF, dazvolić RF dapamahać (finansava i inš.) ruskim u Krymie, nie radykalizavacca, nie admianiać zakon «ab movach» (im. Kaleśničenki jaki), zabiaśpiečyć roŭnyja pravy ruskamoŭnym (choć adznačyŭ, što «paŭzučaja rusifikacyja» taksama «nie jość hud») i pryvykać da dumki, što «krymskaje pytańnie» zaciahniecca.
Jašče vykazvalisia dumki, a-la Vieniedyktaŭ ab «hramadzianskim supraćstajańni ŭ hramadstvie» («ja hladzieŭ sacyjałohiju») i sprobie ŭsio śpisać na «vonkavyja faktary» (p.1 i p.2).
Nastroi hledačoŭ, jakija vychodziać z zały:
1. Jaho Pucin pasłaŭ?
2. Vielmi chaciełasia, ale nie parvali na anučy vyklučna z pavahi da ciažkaha turemnaha minułaha.
3. Sumna, tavaryš absalutna nie ŭ temie.
4. Vińničenka maje racyju: chto b ni pryjšoŭ da ŭłady ŭ RF, dla nas tolki piacimietrovy płot, vizavy režym i drapać jak maha chutčej u ES i NATO».
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary