Aktyvista «Pravaha siektara» Alaksandra Muzyčku (Sašku Biełaha) śmiarotna paranili padčas milicejskaj śpiecapieracyi pa jaho zatrymańni.
Pra heta paviedamiŭ pieršy namieśnik ministra ŭnutranych spraŭ Ukrainy Uładzimir Jeŭdakimaŭ na bryfinhu ŭ aŭtorak.
«Muzyčka byŭ paranieny ŭ chodzie zatrymańnia jaho i jašče troch čałaviek śpiecpadraździaleńniem HUBAZ «Sokał» u ramkach kryminalnaj spravy», — skazaŭ Jeŭdakimaŭ.
Jon adznačyŭ, što jašče 8 sakavika ŭ dačynieńni da Muzyčki byli raspačatyja dźvie kryminalnyja vytvorčaści pa č.4 art.296 (chulihanstva) i č.2 art.345 (pahroza abo hvałt u dačynieńni da rabotnika pravaachoŭnaha orhana).
«Muzyčka byŭ abvieščany ab padazreńni, ale jon chavaŭsia i karystaŭsia ŭzbrojenaj achovaj. Tamu jaho abjavili ŭ vyšuk i było vyrašana pravieści śpiecapieracyju pa jaho zatrymańni», — rastłumačyŭ čynoŭnik.
Jon raspavioŭ, što ŭ noč na aŭtorak u kafe «Try karasi « pablizu Roŭna pravaachoŭniki ŭ chodzie apieracyi zatrymali troch čałaviek, u jakich kanfiskavali aŭtamat Kałašnikava.
«Muzyčka, jaki znachodziŭsia ŭ kafe, pačaŭ uciakać i adkryŭ ahoń pa bajcach «Sokała», paraniŭšy adnaho ź ich. Kali jaho skrucili, akazałasia, što jon paranieny.
Vyklikali «chutkuju dapamohu», ale pa darozie ŭ balnicu Muzyčka pamior», - paviedamiŭ Jeŭdakimaŭ.
Kamientary