Актывіста «Правага сектара» Аляксандра Музычку (Сашку Белага) смяротна паранілі падчас міліцэйскай спецаперацыі па яго затрыманні.
Пра гэта паведаміў першы намеснік міністра ўнутраных спраў Украіны Уладзімір Еўдакімаў на брыфінгу ў аўторак.
«Музычка быў паранены ў ходзе затрымання яго і яшчэ трох чалавек спецпадраздзяленнем ГУБАЗ «Сокал» у рамках крымінальнай справы», — сказаў Еўдакімаў.
Ён адзначыў, што яшчэ 8 сакавіка ў дачыненні да Музычкі былі распачатыя дзве крымінальныя вытворчасці па ч.4 арт.296 (хуліганства) і ч.2 арт.345 (пагроза або гвалт у дачыненні да работніка праваахоўнага органа).
«Музычка быў абвешчаны аб падазрэнні, але ён хаваўся і карыстаўся ўзброенай аховай. Таму яго аб'явілі ў вышук і было вырашана правесці спецаперацыю па яго затрыманні», — растлумачыў чыноўнік.
Ён распавёў, што ў ноч на аўторак у кафэ «Тры карасі « паблізу Роўна праваахоўнікі ў ходзе аперацыі затрымалі трох чалавек, у якіх канфіскавалі аўтамат Калашнікава.
«Музычка, які знаходзіўся ў кафэ, пачаў уцякаць і адкрыў агонь па байцах «Сокала», параніўшы аднаго з іх. Калі яго скруцілі, аказалася, што ён паранены.
Выклікалі «хуткую дапамогу», але па дарозе ў бальніцу Музычка памёр», - паведаміў Еўдакімаў.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары