U Minharvykankam padadziena zajaŭka na praviadzieńnie 14 maja ŭ Minsku Maršu niezaležnaści
25 krasavika ŭ Minharvykankam padadziena zajaŭka na praviadzieńnie 14 maja ŭ Minsku Maršu niezaležnaści. Ab hetym paviedamiŭ adzin z zajaŭnikaŭ akcyi, namieśnik staršyni ruchu «Za Svabodu» Juryj Hubarevič.
Akramia Hubareviča, zajaŭnikami Maršu niezaležnaści źjaŭlajucca Aleś Łahviniec, Siarhiej Vaźniak, Ihar Lalkoŭ i Dzianis Sadoŭski. Jany prosiać haradskija ŭłady dazvolić praviadzieńnie šeścia ad placoŭki kala Nacyjanalnaj biblijateki da płoščy Niezaležnaści pa prajeznaj častcy praśpiekta, a taksama mitynhu na płoščy Niezaležnaści.
Inicyjataram Maršu niezaležnaści vystupiŭ ruch «Za Svabodu».
Ideja pravieści takuju akcyju naradziłasia paśla zajaŭ kiraŭnika dziaržavy, jakija prahučali 22 krasavika padčas jaho pasłańnia da naroda i parłamienta. «My ličym, što skłałasia situacyja, kali apazicyja i ŭłada stali havaryć ab niezaležnaści adny i tyja ž słovy. U svaim pasłańni Alaksandr Łukašenka havaryŭ ab niezaležnaści jak ab kaštoŭnaści», — patłumačyŭ Hubarevič.
«Paśla vykazvańniaŭ Łukašenki my chacieli b ubačyć dziejańni ŭładaŭ, jakija paćviardžajuć, što jany hatovy pajści na dyjałoh z hramadstvam, bo ŭ raskołatym stanie jano nie hatova efiektyŭna supraćstajać źniešnim pahrozam, — dadaŭ palityk. — Važna, kab ułada nie na słovach, a na spravie dakazała hatoŭnaść abaraniać niezaležnaść i sadziejničać kansalidacyi hramadstva, dasiahnieńniu ahulnanacyjanalnaha kansiensusu. Ułady pavinny nie tolki dazvolić akcyju, ale i dałučycca da jaje, bo mienavita 14 maja 1995 hoda prajšoŭ refierendum pa dziaržaŭnaj simvolicy, jaki i pakłaŭ pačatak raskołu hramadstva», — skazaŭ namieśnik staršyni ruchu «Za Svabodu».
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary