Što treba ŭličvać dla biaśpieki pry vykarystańni mabilnika ci mabilnaha internetu? — parady ad «Ekałahičnaj pracoŭnaj hrupy» (EWG).
1. Čaściej vykarystoŭvajcie navušnik albo hukač (hučnahavaryciel) mabilnika. Vybierycie pravadny abo biespravadny režym. Pravadny — z navušnikam. Biespravadny — karystańnie hukačom telefona, što aznačaje prosty huk telefona, jaki čuvać jak z radyjo, na adlehłaści. Vykarystoŭvajcie svoj telefon u režymie hučnaj suviazi.
2. Tekstujcie bolš, kažycie mienš. Telefony vypramieńvajuć mienš radyjacyi pry adpraŭcy tekstu, a nie hałasavoj suviazi.
3. Razmaŭlajcie tolki tady, kali sihnał apieratara mocny (jak naprykład, u horadzie, dzie pablizu anteny-retranślatary mabilnika). Słaby sihnał (z pryčyny addalenaści retranślatara) aznačaje, što telefon sam pavinien staracca-pavyšać radyjacyju dy tranślavać z bolšaj enierhijaj, kab dasiahnuć ułasnym sihnałam da addalenych anten. Mabilnik robić pavyšeńnie sihnału aŭtamatyčna, u adpaviednaści z adlehłaściu da anten. Daśledavańni pakazvajuć, što apramieńvańnie rezka ŭzrastaje, kali anteny daloka i ich sihnały słabyja.
4. Trymajcie mabilnik dalej ad svajho cieła. Čamu? Kolkaść radyjacyi ad mabilnika, pryniataj vašymi hałavoj i ciełam, źmianšajecca vielmi značna pry navat nievialikaj adlehłaści. Navat pry ŭžyvańni navušnika nie kładzicie mabilnik ŭ kišeniu i nie prymacoŭvajcie jaho pasam da cieła.
5. Nie kładzicie vaš mabilnik u kišeniu ci pad padušku. Mabilnik vysyłaje kantrolnyja sihnały, kab być na suviazi ź bližejšaj antenaj. Heta aznačaje, što apramieńvańnie adbyvajecca ad luboha ŭłučanaha mabilnik.
Kamientary