Supracoŭniki padraździaleńniaŭ pa narkakantroli i procidziejańni handlu ludźmi UUS Minabłvykankama i Salihorskaha RAUS zatrymali maładoha čałavieka, jaki arhanizavaŭ u Salihorsku padpolnuju sietku pa raspaŭsiudžvańni spajsu.
Jak paviedamili ŭ adździaleńni infarmacyi i hramadskich suviaziaŭ UUS, u siaredzinie sakavika ŭ pole zroku apieratyŭnikaŭ padraździaleńniaŭ pa narkakantroli i procidziejańni handlu ludźmi UUS Minabłvykankama i Salihorskaha RAUS stali traplać miascovyja maładyja ludzi, jakija ŭžyvali i, značyć, zachoŭvali pry sabie nievialikija razavyja dozy spajsu. Zatrymanyja raskazali, što źviazvalisia z pradaŭcom praz peŭny sajt. Hrošy narkadyleru pieravodzili praz elektronnyja kašalki, zarehistravanyja za miažoj, a rasfasavany narkotyk zabirali ŭ sakretnych miescach, ab raźmiaščeńni jakich handlar paviedamlaje im praz zamiežnyja abaronienyja sajty.
Kompleks apieratyŭna-vyšukovych mierapryjemstvaŭ dazvoliŭ ustanavić asobu narkadylera.
Im akazaŭsia 20-hadovy nidzie nie pracujučy žychar Salihorska, u jakoha pry zatrymańni i nastupnym vobysku doma było znojdziena 70 hramaŭ asabliva niebiaśpiečnaha psichatropnaha rečyva NDV — adnoj z raznastajnaściaŭ spajsu.
Pavodle papiaredniaj infarmacyi, małady čałaviek staŭ pradavać narkotyki kala hoda tamu, paśpieŭšy da viasny 2014 hoda stvaryć u Salihorsku davoli šyrokuju sietku pakupnikoŭ. Praŭda, sabrać bujnych sum jon nie zmoh, bo asnoŭny dachod ad handlu narkotykami prajhravaŭ u kazino i załach ihralnych aŭtamataŭ, a taksama viedučy razhulny ład žyćcia.
U dačynieńni da zatrymanaha Salihorskim RASK raspačata sprava pa č. 3 art. 328 KK. Jon pamieščany ŭ izalatar časovaha ŭtrymańnia. Viadziecca śledstva.
Ciapier čytajuć
Aryštavany 75‑hadovy Źmicier Sańko — vieteran-vydaviec2
Kamientary