Ministr zamiežnych spraŭ Uładzimir Makiej zaniepakojeny pracaj biełaruskich zamiežnych ustanoŭ na rynkach Rasii, SND, niekatorych krainach Afryki i Amieryki ŭ śfiery ekspartu biełaruskaj pradukcyi.
Pra heta jon zajaviŭ na pašyranaj naradzie z savietnikami pa handlova-ekanamičnych pytańniach zamiežnych ustanoŭ, akredytavanych u krainach SND, Afryki i Amieryki.
Adkryvajučy naradu, Makiej padkreśliŭ, što da padviadzieńnia vynikaŭ vykanańnia prahram dziejnaści ŭrada i raźvićcia ekspartu na 2011—2015 hady zastajecca hod. Ministr nahadaŭ, što metaj hetych prahramnych dakumientaŭ u častcy źniešnieekanamičnaj dziejnaści źjaŭlajecca dasiahnieńnie stanoŭčaha salda źniešniaha handlu tavarami i pasłuhami ŭ 2015 hodzie ŭ 500 młn. dołaraŭ ZŠA.
«Što ž my majem siońnia? Druhi hod zapar ekspart biełaruskaj pradukcyi źnižajecca. U 2013 hodzie ekspart tavaraŭ i pasłuh źniziŭsia nie tolki ŭ paraŭnańni z 2012-m, ale i navat z 2011 hodam», — adznačyŭ Makiej.
Pavodle słoŭ ministra, dasiahnieńnie metavaha paramietra pa eksparcie mahčymaje pry zabieśpiačeńni tempaŭ pryrostu ŭ 2014-2015 hadach nie mienš jak na 23 pracenty štohod, što amal u try razy pieravyšaje ŭstanoŭlenaje zadańnie sioleta.
«My viarnulisia da praktyki praviadzieńnia takich sustreč, adčuvajučy nieabchodnaść niepasrednaha abmienu mierkavańniami sam-nasam, padmacavańnia našych zamiežnych ustanoŭ kancentravanaj infarmacyjaj ab realijach i prablemach u halinovym razrezie», — padkreśliŭ ministr.
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja25
Kamientary