Paśla mižnarodnaha skandała, vyklikanaha tym, što spadkajemca brytanskaha tronu prync Čarlz paraŭnaŭ Pucina z Hitleram za dziejańni va Ukrainie, u časopisie «New Yorker» źjaviŭsia fieljeton — list ad imia jaho karaleŭskaj vysokaści z tłumačeńniami, źviernuty da rasiejskaha naroda.
«Maje darahija ruskija.
Učora paviedamlałasia, što ja paraŭnaŭ Pucina z Hitleram. Kali ja svaim kamientarom niejak vas pakryŭdziŭ, to ja hłyboka škaduju pra heta. Adolf Hitler byŭ samym žachlivym złydniem ŭ historyi, i paraŭnoŭvać ź im Prezidenta Pucina było niedarečy.
Toje, što treba było skazać, i što ja kažu vam ciapier, dyk heta toje, što hety chłopiec, Pucin, časam byvaje źlohku hitleravaty (anhł. a bit Hitlery).
Davajcie, dla prykładu, razhledzim hetuju jaho schilnaść brać terytoryi, jakija jamu nie naležać, dałučać ich da svajoj krainy, nu i hetak dalej… Jak vy dumajecie, heta možna nazvać hitleravatym ci nie? Kali pahladzieć z majho boku, to heta chutčej toje, što b Hitler rabiŭ, čym toje, što Hitler nie rabiŭ by, i, takim čynam, hetyja pavodziny chutčej možna ličyć hitleravatymi.
Ci, kab nie sychodzić daloka ad temy, davajcie voźmiem voś hetuju manieru vykarystoŭvać tanki. Pa-mojmu, vielmi navat hitleravata. I znoŭ, dla jasnaści: ja nie nazyvaju Pucina Hitleram — prosta kali vy dumajecie, što vy možacie vykarystoŭvać tanki i nie vyhladać hitleravata, tady ŭ vas, vidać, štości nie toje z hałavoj.
U suviazi z maimi zaŭvahami niekatoryja brytanskija palityki rekamiendavali mnie admovicca ad maich słoŭ, jak ad słoŭ Prynca Uelskaha i Spadkajemca Trona. Inšymi słovami, jany chočuć skazać, što ŭ mianie niama prava na svabodu słova. Kali mnie nie zdradžvaje pamiać, kaliści ŭ tryccatych-sarakavych taksama byŭ chłopiec, jaki sprabavaŭ karać ludziej, za toje, što jany kažuć. Ja, viadoma, nie chaču nazyvać imionaŭ, ale kali tuflik jakraz…
Z pavahaj,
Vaš Jaho Karaleŭskaje Vysokaść Prync Čarlz».
Kamientary