Пасля міжнароднага скандала, выкліканага тым, што спадкаемца брытанскага трону прынц Чарльз параўнаў Пуціна з Гітлерам за дзеянні ва Украіне, у часопісе «New Yorker» з'явіўся фельетон — ліст ад імя яго каралеўскай высокасці з тлумачэннямі, звернуты да расейскага народа.
«Мае дарагія рускія.
Учора паведамлялася, што я параўнаў Пуціна з Гітлерам. Калі я сваім каментаром неяк вас пакрыўдзіў, то я глыбока шкадую пра гэта. Адольф Гітлер быў самым жахлівым злыднем ў гісторыі, і параўноўваць з ім Прэзідэнта Пуціна было недарэчы.
Тое, што трэба было сказаць, і што я кажу вам цяпер, дык гэта тое, што гэты хлопец, Пуцін, часам бывае злёгку гітлераваты (англ. a bit Hitlery).
Давайце, для прыкладу, разгледзім гэтую яго схільнасць браць тэрыторыі, якія яму не належаць, далучаць іх да сваёй краіны, ну і гэтак далей… Як вы думаеце, гэта можна назваць гітлераватым ці не? Калі паглядзець з майго боку, то гэта хутчэй тое, што б Гітлер рабіў, чым тое, што Гітлер не рабіў бы, і, такім чынам, гэтыя паводзіны хутчэй можна лічыць гітлераватымі.
Ці, каб не сыходзіць далёка ад тэмы, давайце возьмем вось гэтую манеру выкарыстоўваць танкі. Па-мойму, вельмі нават гітлеравата. І зноў, для яснасці: я не называю Пуціна Гітлерам — проста калі вы думаеце, што вы можаце выкарыстоўваць танкі і не выглядаць гітлеравата, тады ў вас, відаць, штосьці не тое з галавой.
У сувязі з маімі заўвагамі некаторыя брытанскія палітыкі рэкамендавалі мне адмовіцца ад маіх слоў, як ад слоў Прынца Уэльскага і Спадкаемца Трона. Іншымі словамі, яны хочуць сказаць, што ў мяне няма права на свабоду слова. Калі мне не здраджвае памяць, калісьці ў трыццатых-саракавых таксама быў хлопец, які спрабаваў караць людзей, за тое, што яны кажуць. Я, вядома, не хачу называць імёнаў, але калі туфлік якраз…
З павагай,
Ваш Яго Каралеўскае Высокасць Прынц Чарльз».
Цяпер чытаюць
«Нечым трэба заўсёды ахвяраваць. Мне прыйшлося ахвяраваць сям'ёй»: сын Іны Афанасьевай пра павароты лёсу12
Каментары