Z 1 červienia ŭvodzicca elektronnaja rehistracyja na ciahniki Minsk — Vilnia
Biełaruskaja čyhunka 1 červienia płanuje ŭvieści elektronnuju rehistracyju pasažyraŭ na ŭsie ciahniki pa maršrucie Minsk — Vilnia.
Ab hetym siońnia na bryfinhu paviedamiŭ pieršy namieśnik načalnika pasažyrskaj słužby ŭpraŭleńnia BČ Andrej Kaško.
Ciapier pasłuha elektronnaj rehistracyi, jakaja dazvalaje nie afarmlać apłačanyja praź Internet kvitki ŭ kasie, dastupnaja pry kupli kvitkoŭ na ciahniki mižrehijanalnych linij i rehijanalnych linij biźnies-kłasa, jakija kursujuć u miežach Biełarusi. Taksama heta datyčycca ŭsich ciahnikoŭ na kirunku Biełaruś — Rasija biez tranzitu pa terytoryi inšych dziaržaŭ i ciahnika Minsk — Ryha.
Andrej Kaško źviarnuŭ uvahu, što ź litoŭskimi čyhunačnikami «prapracavany varyjant zručnaha pierasadačnaha paviedamleńnia» ź Minska ŭ Kłajpiedu praź Vilniu.
Tak, pasažyram prapanujecca ŭzhodnienaja pierasadka ź ciahnika № 805 Minsk — Vilnia na ciahnik № 781 Vilnia — Kłajpieda, na jakim možna budzie dajechać da kurortnych zon Bałtyjskaha mora.
U pieryjad pavieličeńnia pasažyrapatoku ciahnik № 805 Minsk — Vilnia budzie kursiravać padvojnym sastavam z šaści vahonaŭ.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar10
Kamientary