V.a. namieśnika kiraŭnika administracyi prezidenta Ukrainy Andrej Sienčanka paviedamiŭ, što pa stanie na 2 červienia z Kryma na macierykovuju častku Ukrainy vyjechali 9500 žycharoŭ Kryma, z Danieckaj vobłaści ŭ inšyja rehijony Ukrainy vyjechała da 550 čałaviek, z Łuhanskaj — 150.
Pra heta jon skazaŭ u efiry telekanała «Pieršy Nacyjanalny».
«U nas na siońniašni dzień takich vymušanych pierasialencaŭ z Kryma amal 9500 čałaviek, z Danieckaj vobłaści, pa maich dadzienych, na siońnia dzieści 530—550, z Łuhanskaj vobłaści mienš, kala 150 čałaviek vyjechali», — skazaŭ v.a. namieśnika kiraŭnika administracyi.
Heta tolki aficyjna zarehistravanyja biežancy. Šmat chto prosta pierajechaŭ da svajakoŭ i nie rehistravaŭsia.
Sienčanka pryznaŭ, što płyń vymušanych pierasialencaŭ pavialičvajecca.
Jon paviedamiŭ, što ŭłady padrychtavali 42 tys. miescaŭ dla časovaha raźmiaščeńnia pierasialencaŭ.
«39 [tysiač] ź ich jašče volnyja. Inšaja sprava, što nie ŭsich hatovy pryniać Kijeŭ. 22 tys. miescaŭ znachodziacca ŭ Čarkaskaj vobłaści», — paviedamiŭ Sienčanka.
Krymskija tatary pieravažna zastajucca na svajoj histaryčnaj radzimie. Uciakajuć ad represij ukrainskamoŭnyja ŭkraincy, vierniki Ukrainskaj pravasłaŭnaj carkvy Kijeŭskaha patryjarchata, siabry ŭkrainskich partyj. Vialikaja častka ŭciekačoŭ z Kryma — heta siemji ŭkrainskich vajskoŭcaŭ.
Ciapier čytajuć
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ19
Kamientary