Novy kiraŭnik ukrainskaha padatkovaha viedamstva raskazaŭ žurnalistam, što jaho papiarednik za try hady skraŭ z kazny respubliki stolki hrošaj, kolki davali padatkovyja zbory za cełyja šeść miesiacaŭ.
Namieśnik ministra dachodaŭ i zboraŭ, jaki kuryruje padatkovuju słužbu Ukrainy, Ihar Biłavus śćviardžaje, što ašukancy abmiarkoŭvali złačynnyja płany za prazrystym płastykavym stałom u hukaniepranikalnym schoviščy, piša The Guardian.
Vydańnie publikuje pierakaz intervju, jakoje Biłavus daŭ karespandentam AP. Pavodle jaho słoŭ, asablivaja prazrystaja mebla — stoł i kresły — znachodzicca ŭ tajemnym kabiniecie na vierchnim paviersie budynka ministerstva. Heta miesca było svojeasablivym štabam afierystaŭ pad kiraŭnictvam raniejšaha hałoŭnaha padatkaviki krainy Alaksandra Klimienki, jakija vykrali ź biudžetu Ukrainy kala 130 młrd hryŭniaŭ ($ 11 młrd) — prykładna stolki składali padatkovyja pastupleńni ŭ kaznu z usioj krainy za paŭhoda.
«Jany nie kłapacilisia pra biaśpieku, nie bajalisia ni palicyi, ni SBU Voś čamu hetaja rakavaja puchlina — karupcyja — raspaŭsiudziłasia pa ŭsioj krainie», — cytuje Biłavusa brytanskaja hazieta.
Złamyśniki, pavodle jaho słoŭ, arhanizavali šyrokuju sietku z bolš čym 1700 fantomnych firmaŭ, praź jakija pieravodzili hrošy ŭ najaŭnyja srodki.
Prazrystaja mebla, u jakuju nielha schavać «žučki» stajała ŭ hukaizalavanaj kamiery, da taho ž abstalavanaj hienierataram «biełaha šumu», jaki rabiŭ niemahčymym prasłuchoŭvańnie. Pa słovach kuratara Mižnarodnaha muzieja špijanažu ŭ Vašynhtonie Vinsa Choŭtana, takija pryjomy prosta skapijavanyja ź mietadaŭ pracy raźviedak raniejšaha Uschodniaha błoka. Uschodniehiermanskim raźviedka «štazi», da prykładu, mieła hetkuju ž prazrystuju meblu ŭ adnym z pamiaškańniaŭ ambasady HDR u Rymie.
Alaksandr Klimienka ŭsie abvinavačvańni ŭ svoj adras admaŭlaje. Jon śćviardžaje, što žorstka zmahaŭsia ź lubymi prajavami karupcyi — jaho viedamstva inicyjavała bolš za 1300 rasśledavańniaŭ suprać karupcyjanieraŭ. U pakoi z prazrystaj meblaj, pavodle jaho słoŭ, taksama ničoha kryminalnaha nie adbyvałasia.
«Hetym pamiaškańniem my karystalisia tolki ŭ metach pryvatnaści pry płanavańni apieratyŭnych mierapryjemstvaŭ suprać tych, chto sprabavaŭ paźbiehnuć padatkaŭ abo zajmaŭsia machlarstvam. Ja liču, što takija miery biaśpieki byli całkam apraŭdanyja», — napisaŭ jon žurnalistam u elektronnym liście.
«Klimienka vyjšaŭ na suviaź ź niavyznačanaha miesca. Nieŭzabavie paśla taho, jak Janukovič pakinuŭ svoj post, jon bieh z Ukrainy. Kamiery videanazirańnia ŭ aeraporcie zafiksavali, jak achoŭniki sprabujuć zatrymać jaho i hałoŭnaha prakurora krainy, ale jany biahuć da samalota nastolki chutka, što čaplajuć ramku mietaładetektara» — piša Guardian.
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć8
Kolki biełarusaŭ atrymali polskaje hramadzianstva za apošni čas. Ličby ŭražvajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary