U Rumynii kantralavana padarvali Dunaj, kab skiravać patok vady na AES
U Rumynii armija razharnuła maštabnuju vajskova-inžyniernuju apieracyju na Dunai, kab vyratavać ad prypynieńnia atamnuju elektrastancyju «Čarnavode». Praz nadzvyčajnuju zasuchu i rezkaje padzieńnie ŭzroŭniu vady AES apynułasia pad pahrozaj niedachopu vady dla astudžeńnia reaktara.
Kab pieranakiravać račny patok u bok vadazaboru stancyi, sapiory i vadałazy 3 žniŭnia vykarystali 180 kiłahramaŭ vybuchoŭki i zmahli razburyć padvodnuju skału Pyržoaja.
Pieršaja sproba, praviedzienaja napiaredadni, zaviaršyłasia niaŭdačaj, ale padčas druhoha vybuchu kamienny masiŭ užo byŭ paśpiachova adkołaty.
Najbližejšym časam płavučy kran dastanie vializnyja abłomki z vady, paśla čaho vajskoŭcy zatopiać u hetym miescy čatyry 70‑mietrovyja baržy z kamieniem.
Takaja štučnaja damba dazvolić skiravać asnoŭny patok vady ŭ patrebny bok.
Situacyja z vodnymi resursami ŭ rehijonie nabližajecca da histaryčnaha minimumu 1985 hoda. Z-za rezkaha skaračeńnia vytvorčaści elektraenierhii ŭrad Rumynii ŭžo abviaściŭ u krainie stan nadzvyčajnaj situacyi na žnivień.
Anałahičny kryzis užo zakranuŭ i susiedniuju Vienhryju, dzie praź niedachop vady ŭ Dunai pryjšłosia častkova prypynić pracu AES «Pakš».
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»88
Kamientary
Słovami: skała pad vadoj u pravaha bieraha i nakiroŭvała 85% patoku da levaha, dzie praz 2 km pačynajecca doŭhi rukaŭ Dunaja Bała.
Tamu apieracyja ŭ kompleksie: 1) padarvali skału sprava; 2) zatopiać baržy, nie ŭ hetym miescy, a dalej źleva na ŭvachodzie ŭ rukaŭ.
Patok pieranakirujecca pa hałoŭnamu rusłu naprava, dzie praz 40 km častka vady jašče raz adchilajecca ŭžo na Čarnavodskuju AES.
Skału pieršy raz padryvali jašče 70 hod tamu. Tady heta rabili nie dla AES, a dla palapšeńnia sudnachodstva.
Pakul nie pamiataju značnaha panižeńnia ŭzroŭniu Vilejskaha vadaschovišča ŭ śpioku. Chacia sama Vilija nižej dehradavała, i daŭno.
Pahladzicie archivy ŭzroŭniaŭ vady na Vilii i na Zasłaŭskim vadaschoviščy, budzie jaśniej, ci jość ryzyki.