Pytańnie pavyšeńnia piensijnaha ŭzrostu pakul nie razhladajecca
Pytańnie pavyšeńnia piensijnaha ŭzrostu ŭ Biełarusi zaraz nie razhladajecca, zajaviła ministr pracy i sacyjalnaj abarony Maryjana Ščotkina, adkazvajučy 18 červienia na pytańni deputataŭ na siesii pałaty pradstaŭnikoŭ.
«Hetaje pytańnie vielmi važnaje dla ludziej, — padkreśliła jana. — Hramadskaje mierkavańnie siońnia niehatyŭna adnosicca da mahčymaha pavyšeńnia piensijnaha ŭzrostu. U ministerstvie siońnia my nie pracujem nad jakimi-niebudź dakumientami, jakija praduhledžvali b jaho pavyšeńnie».
Zamiest pavyšeńnia piensijnaha ŭzrostu, praciahnuła Ščotkina, u Minpracy pravodziać rabotu pa stymulavańni praciahu pracy ludziej paśla vychadu na piensiju.
Ministr zaznačyła, što pamier piensij u Biełarusi nievialiki: u mai jon skłaŭ u siarednim 2 młn. 413 tys. rubloŭ.
«Piaćdziasiat piać — šaśćdziasiat hadoŭ — nie toj uzrost, jaki nie dazvalaje pracavać. Umovy i vakansii dla pracy ŭ piensijanieraŭ jość», — zajaviła Ščotkina.
Varta zaznačyć, što ŭ Biełarusi zachoŭvajecca nizki piensijny ŭzrost — 55 hadoŭ dla žančyn i 60 dla mužčyn. Pavodle źviestak Minpracy i sacabarony, takija ŭzrostavyja kryteryi dla źviartańnia pa piensiju na postsavieckaj prastory dziejničajuć tolki ŭ Rasii i va Uźbiekistanie.
Jak zaznačała padčas adnoj ź niadaŭnich anłajn-kanfierencyj Maryjana Ščotkina, «va ŭmovach stareńnia nasielnictva piensijny ŭzrost pavyšajuć mnohija krainy, u tym liku i bolšaść dziaržaŭ na postsavieckaj prastory».
«Zaraz my pajšli pa šlachu stymulavańnia bolš poźniaha zvarotu pa piensiju. Darečy, u stratehii doŭhaterminovaha raźvićcia piensijnaj sistemy ŭ Rasijskaj Fiederacyi praduhledžvajecca ŭviadzieńnie anałahičnaha padychodu», — zajaviła ministr. Jana taksama vykazała mierkavańnie, što pavyšeńnie piensijnaha ŭzrostu pavinna prachodzić sinchronna ŭ Biełarusi i Rasii, pakolki jany stvarajuć Sajuznuju dziaržavu.
Asnoŭnyja kirunki refarmavańnia piensijnaj sistemy akreśliŭ u svaim krasavickim pasłańni da naroda i parłamienta kiraŭnik dziaržavy. Zaznačyŭšy, u pryvatnaści, što «rabočych ruk stanovicca mienš, a piensijanieraŭ dastatkova šmat», Alaksandr Łukašenka ŭkazaŭ na nieabchodnaść «hłybiej padumać, jak zacikavić nasielnictva pracavać bolš praciahły čas paśla dasiahnieńnia piensijnaha ŭzrostu».
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary