U Lidzie pahraničniki zatrymali miascovaha žychara, jaki zajmaŭsia niezakonnaj mihracyjaj i vykarystoŭvaŭ rabskuju pracu mihrantaŭ z Vjetnama.
Jak paviedamlaje telekanał ANT, małodšamu z 16 nielehałaŭ — 19 hadoŭ, starejšamu — 29. Śledčyja vyśvietlili, što ŭ Lidu hrupu pryvioz 48-hadovy miascovy žychar, jaki zajmajecca hruzapieravozkami. Za peŭnuju płatu pradprymalnik paabiacaŭ pierapravić vjetnamcaŭ u Litvu. Adnak paźniej ci to pieradumaŭ, ci to nie zmoh hetaha zrabić. Nielehałaŭ vyrašyŭ pasialić u svaim haražy.
Žyli vjetnamcy ŭ hetym pamiaškańni, jak jany sami pryznalisia, spačatku pieravozčyk ich karmiŭ, zatym ježu i pražyvańnie prymusiŭ adpracoŭvać. Za haražom jany kapali tranšei i raźbirali aŭtatranspart.
Znachodžańnie zamiežnikaŭ było staranna zamaskiravana ad čužych vačej. Za 10 dzion ab tym, što susied ekspłuatuje zamiežnikaŭ, nichto nie daviedaŭsia.
Na śled nielehałaŭ vyjšli pahraničniki, kali praviarali apieratyŭnuju infarmacyju pra mahčymaje parušeńnie dziaržaŭnaj miažy. Zaraz pradprymalniku daviadziecca adkazvać pa dźviuch kryminalnych spravach.
Jaho vinavaciać u arhanizacyi kanała niezakonnaj mihracyi i vykarystańni rabskaj pracy.
Aryštavana majomaść, siarod jakoj vielikahruzny aŭtamabil z pryčepam i inšamarka.
Vjetnamcy pryciahnutyja da administracyjnaj adkaznaści za parušeńnie mihracyjnaha zakanadaŭstva. Ciapier jany znachodziacca ŭ IČU Lidskaha pahraničnaha atrada i čakajuć departacyi ŭ Maskvu.
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary