U noč z 3 na 4 lipienia supracoŭniki DAI praduchilili kradziež aŭtamabila ŭ Centralnym rajonie Minska.
Jak paviedamili ŭ adździele Dziaržaŭtainśpiekcyi Centralnaha RUUS, pry niasieńni słužby ŭvahu supracoŭnikaŭ ADAI pryciahnuŭ aŭtamabil «Sieat Taleda» jaki ruchaŭsia pa vulicy Ščadryna z boku Smarhoŭskaha traktu ŭ kirunku Daŭhinaŭskaha traktu. Padazreńnie vyklikaŭ toj fakt, što, ubačyŭšy patrulny aŭtamabil, «Sieat» spyniŭsia i ŭ sałonie pačali adbyvacca niezrazumiełyja dziejańni. Padjechaŭšy bližej, supracoŭniki DAI ŭbačyli, što kiroŭca i pasažyr, jaki znachodziŭsia na piarednim siadzieńni, mianiajucca miescami. Paśla hetaha aŭtamabil paskorana pačaŭ ruch zadnim chodam, sprabujučy schavacca ad supracoŭnikaŭ, jakija nie razhubilisia i zdoleli zatrymać aŭtamabil, u jakim znachodziłasia dvoje maładych ludziej 16 i 18 hadoŭ.
Ni paśviedčańnia kiroŭcy, ni dakumientaŭ na aŭtamabil ŭ maładych ludziej nie było. Padčas dalejšaj pravierki było vyjaŭlena, što nichto ź ich nie maje paśviedčańnia kiroŭcy, nikoli jaho nie atrymlivali. Taksama vyśvietliłasia, što aŭtamašyna naležyć inšamu čałavieku.
Źviazaŭšysia z ułaśnikam transpartnaha srodka supracoŭniki DAI ŭstalavali, što ŭładalnik aŭto addaŭ jaho na ramont ajčymu šasnaccacihadovaha kiroŭcy. Małady čałaviek, viedajučy, što aŭtamašyna pieradadziena ajčymu na ramont, usio ž vyrašyŭ pakatacca na čužym aŭto i paśpieŭ navat paškodzić transpartny srodak.
Haspadar aŭtamabila napisaŭ zajavu ab zhonie. Vyrašajecca pytańnie ab uzbudžeńni kryminalnaj spravy.
Kamientary