Moładzievaja zbornaja Biełarusi pa futbole praviała čarhovy matč adboračnaha cykłu da čempijanatu Eŭropy‑2009.
Sustrakalisia lidery 8-j adboračnaj hrupy — zbornyja Biełarusi i Serbii. Našy chłopcy ŭznačalvajuć padhrupu, apiaredžvajučy serbaŭ na piać punktaŭ, ale supierniki majuć matč u zapasie. U vieraśni ŭ haściach biełarusy prajhrali 1:3.
Siońnia matč prajšoŭ u roŭnaj hulni. U pačatku druhoj pałovy hulni barysaviec Siarhiej Kryviec adkryŭ lik — 1:0. Nie prajšło i dziesiaci chvilin, jak lik vyraŭniaŭ paŭabaronca serbaŭ Zoran Tošyč — 1:1.
Turnirnaja tablica ŭ našaj hrupie vyhladaje nastupnym čynam: Biełaruś — 16 punktaŭ (paśla 7 hulniaŭ), Serbija — 11 (6), Vuhorščyna — 9 (6), Łatvija — 7 (6), San‑Maryna — 0 (5).
Ničyja praktyčna nia źmienšyła šancy biełarusaŭ na traplańnie ŭ płej‑of.
Sioleta matčaŭ u našaj adboračnaj hrupie ŭžo nia budzie. Naleta biełarusam zastaniecca pravieści ŭsiaho adnu sustreču z łatyšami 10 vieraśnia.
***
Nahadajem, što zaŭtra adbudziecca adboračny matč da čempijanatu Eŭropy‑2008 praviadzie i nacyjanalnaja kamanda, jaje sapiernikam buduć halandcy, jakija ŭžo zabiaśpiečyli sabie vychad na kantynentalnaje pieršynstvo. Hulnia pačniecca na stadyjonie «Dynama» a 19:00. Kvitki kaštujuć ad 3 da 20 tys. Tranślavać budzie telekanał ONT.
U siamji Mironcavych za palityku ŭžo asudzili maci i troch siaścior. A ciapier aryštavali i muža adnoj ź siaścior3
Kamientary