Siaredniaŭzvažany košt mietra žylla ŭ panelnym domie — 5,7 młn rubloŭ biez adździełki
Siarednieŭzvažany košt 1 kv.m u kvaterach typavych spažyvieckich jakaściej žyłych damoŭ usich kanstruktyŭnych schiem, uviedzienych u druhim kvartale 2014 hoda, skłaŭ u cełym pa Biełarusi Br6 598,8 tys., z ulikam adździełačnych rabot — Br7 418,7 tys.
Ab hetym siońnia ŭ čas anłajn-kanfierencyi na sajcie BiełTA paviedamiŭ pieršy namieśnik ministra architektury i budaŭnictva Biełarusi Alaksandr Kručanaŭ.
Pavodle jaho infarmacyi, siarednieŭzvažany košt 1 kv.m u damach u bujnapanelnym vykanańni skłaŭ Br6 365,3 tys. z adździełkaj i Br5 708,3 tys. - biez uliku adździełačnych rabot, u žyłych damach z cehły i hazasilikatnych błokaŭ - adpaviedna Br8 308,9 tys. i Br7 324,7 tys., u damach inšych kanstruktyŭnych schiem - Br7 921,7 tys. i Br7 068,5 tys.
«Siarednieŭzvažany košt 1 kv.m byŭ sfarmiravany z ulikam koštu 1 kv.m u tak zvanych prablemnych žyłych damach sa zvyšnarmatyŭnymi terminami budaŭnictva, jaki značna nižejšy za košt 1 kv.m žyłych damoŭ, uviedzienych u ekspłuatacyju svoječasova», - rastłumačyŭ pieršy namieśnik ministra.
Alaksandr Kručanaŭ taksama paviedamiŭ, što dla źnižeńnia koštu budaŭnictva žylla dla hramadzian, majučych prava na lhotny kredyt, u Biełarusi padpisany ŭkaz numar 270 «Ab realizacyi prahram dziaržaŭnaha zakazu na budaŭnictva žylla» (ad 6 červienia 2014 hoda). Zhodna z hetym dakumientam u paradku ekśpierymientu ŭ 2014-2016 hadach pa pieraliku žyłych damoŭ, uklučanych u prahramy dziaržaŭnaha zakazu, dla vyznačeńnia koštu budaŭnictva i pamieru kredytu budzie vykarystoŭvacca košt 1 kv.m, roŭny prahnoznamu pakazčyku naminalnaj naličanaj siaredniamiesiačnaj zarabotnaj płaty rabotnikaŭ na miesiac pryjomki doma ŭ ekspłuatacyju, ustanoŭlenamu z ulikam narmatyŭnaj praciahłaści budaŭnictva, vyznačanaj prajektnaj dakumientacyjaj, z prymianieńniem kaeficyjenta 1,2.
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki40
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary