Budučy iPhone ad Apple — ci dźvie madeli telefona, jak prahnazujuć niekatoryja — budzie mieć ekran z sapfiravaha škła, i heta, chutčej za ŭsio, zrobić jaho daražejšym za jahonaha papiarednika, paviedamlaje The Wall Street Journal.
Sapfir, jaki vykarystoŭvajecca ŭ šykoŭnych hadzińnikach, źjaŭlajecca bolš ćviordym i ustojlivym da drapin, čym škło, ale i daražejšym, što moža adbicca na košcie pryłady.
WSJ cytuje starejšaha analityka Yole Développement's Eryka Vajre, jaki śćviardžaje, što košt vytvorčaści ekrana Gorilla Glass — materyjału, jaki vykarystoŭvajecca ŭ iPhone 5 i ŭ mnohich inšych mahutnych smartfonach — $3, u toj čas jak ekran z sapfira moža kaštavać $16.
Jak adznačajecca ŭ spravazdačy Yole, Apple razhladaje mahčymaść vykarystańnia sapfira dla abiedźviuch svaich budučych madelaŭ iPhone, pa mienšaj miery, dla darahoj viersii, kali jana zmoža vyrablać dastatkovuju kolkaść ekranaŭ.
Pakul ničoha z hetaha nie było aficyjna paćvierdžana kampanijaj Apple, jakaja płanuje pradstavić novy iPhone ŭ vieraśni.
-
Claude maluje hrafiki i dyjahramy niepasredna ŭ čacie
-
Ehaistyčnaja chramasoma ledź nie vyniščyła ludziej tysiačahodździ tamu. Padobna, jana viarnułasia — u marmonski štat Juta
-
Jak bot sa štučnym intelektam OpenClaw spačatku zachapiŭ śviet, a paśla trapiŭ pad zabarony i byŭ nazvany «kašmaram kibierbiaśpieki»
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary