Deputaty apazicyjnaj frakcyi «Sajuz Ajčyny — Chryścijanskija demakraty Litvy» znoŭ staviać pytańnie pra ŭnifikacyju sankcyj suprać hramadzian Biełarusi i Rasii. Jany prapanujuć spynić pryjom zajaŭ na atrymańnie časovych dazvołaŭ na žycharstva ŭ Litvie nie tolki ad rasijan, ale i ad biełarusaŭ, a taksama anulavać užo vydadzienyja dazvoły na žycharstva tym biełarusam, jakija naviedvali Rasiju abo Biełaruś bolš za adzin raz za kvartał, piša Delfi.lt.
U prajekcie zakona taksama prapanujecca zabaranić uvoz paliva z Rasii i Biełarusi ŭ Litvu ŭ bakach hruzavikoŭ abjomam bolš za 200 litraŭ, kab praduchilić mahčymyja parušeńni sankcyj ES i pramyja abo ŭskosnyja pastaŭki resursaŭ, jakija padtrymlivajuć režymy hetych krain.
Deputaty adznačajuć, što bolšaść biełarusaŭ, jakija majuć časovy dazvoł na žycharstva ŭ Litvie, rehularna viartajucca dadomu, dzie ich nibyta mohuć vierbavać abo prymušać vykonvać raźviedvalnyja zadańni. Tamu, pavodle ich mierkavańnia, dla harantavańnia nacyjanalnaj biaśpieki Litvy nieabchodna ŭnifikavać miery abmiežavańniaŭ i adnolkava aceńvać hramadzian Biełarusi i Rasii, bo abiedźvie krainy dziejničajuć sumiesna i ŭjaŭlajuć pahrozu biaśpiecy rehijona.
Abmiežavańnie z vydačaj DNŽ, pavodle hetaha prajekta, pavinna tyčycca tolki novych zajaŭ na časovy dazvoł na žycharstva; raniejšyja atrymalniki zmohuć jaho praciahvać biez abmiežavańniaŭ. Vyklučeńni praduhledžvajucca tolki dla ekipažaŭ mižnarodnych hruzavych i pasažyrskich pieravozak, a taksama dla situacyj, abjektyŭna nie zaležnych ad čałavieka.
Kučynski raskrytykavaŭ litoŭskuju prapanovu zabaranić biełarusam z časovym žycharstvam kuplać nieruchomaść
Litoŭskija kansiervatary dabivajucca abmiežavańnia prava biełarusaŭ na nabyćcio nieruchomaści ŭ Litvie
Palityk, jaki nie braŭ udziełu ŭ vybarach, šmatrazova sudzimy. Što viadoma pra litoŭca z prapahandysckich pieradač BT
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja103
Kamientary
Naprykład kali kansiervatar Łandśbierhis zastupiŭsia za biełarusaŭ, ani ŭ zahałoŭku, ani ŭ artykule nie padkreślili. I šmat takich prykładaŭ.
pravaki vyłučajuć svaje mudryja prapanovy: usie biełarusy mohuć być špijonami, tolki kiroŭcy furaŭ nie mohuć. Raniej aformiŭšyjesia kiroŭcy furaŭ, dzie dola byłych mientoŭ, mabyć, samaja vysokaja siarod biełaruskich hastarbajteraŭ.