Ukraina adznačaje 23-ju hadavinu niezaležnaści vajskovym paradam ŭ centry Kijeva na fonie sutyknieńniaŭ na paŭdniovym uschodzie krainy.
Pačatak parada z udziełam vajskoŭcaŭ i vajennaj techniki zapłanavana na Chryščaciku ŭ 10:00. Va ŭračystaściach prymuć udzieł pieršyja asoby dziaržavy, a kiravać paradam budzie ministr abarony krainy Valeryj Hielaciej.
Anłajn budzie tut
Jak čakajecca, udzieł u mierapryjemstvie prymuć kala paŭtary tysiačy vajskoŭcaŭ i kursantaŭ. Na paradzie možna budzie ŭbačyć 49 uzoraŭ vajennaj techniki, jakaja znachodzicca na ŭzbrajeńni ŭkrainskaj armii.
Prezident Ukrainy Piatro Parašenka ŭ niadzielu uskładzie kvietki da pomnika śviatomu kniaziu Uładzimiru, ukrainskamu paetu Tarasu Šaŭčenku, palityčnamu dziejaču i publicystu Michaiłu Hrušeŭskamu, a taksama na miescy hibieli «Niabiesnaj sotni» u centry Kijeva.
Pavodle źviestak arhanizataraŭ, adrazu paśla paradu ŭsia vajennaja technika, a taksama častka vajennasłužačych nakirujecca na ŭschod u zonu śpiecapieracyi.
Kamientary