Staršynia Viarchoŭnaha sudu Valancin Sukała: «My psychalahična rychtujem sudździaŭ da taho, što śmiarotnaje pakarańnie budzie admieniena».
Biełaruś užo faktyčna padyšła da rubiažu, za jakim staić maratoryj na ŭžyvańnie śmiarotnaha pakarańnia, zajaviŭ staršynia Viarchoŭnaha sudu RB Valancin Sukała.
— U pieršym paŭhodździ 2007‑ho hoda hetaje pakarańnie pryznačanaje ŭsiaho dźvium asobam», — paviedamiŭ u intervju «Sovietskoj Biełoruśsii» V.Sukała.
Pry hetym jon adznačyŭ, što ŭžo siem hadoŭ u Biełarusi dziejničaje alternatyva śmiarotnamu pakarańniu — pažyćciovaje źniavoleńnie, «tamu vyklučnaja miera pakarańnia ŭžyvajecca vielmi redka».
— Ale davajcie nie zabyvać, što zachavańnie śmiarotnaha pakarańnia — heta vola biełaruskaha naroda, vyjaŭlenaja na refierendumie 1995 hoda, što zamacavanaje Kanstytucyjaj i kryminalnym zakanadaŭstvam», — nahadaŭ staršynia Viarchoŭnaha sudu.
— Adnak u toj ža čas u Kanstytucyi naŭprost skazana, što śmiarotnaje pakarańnie — časovaja miera, jakaja rana abo pozna budzie admienienaja. Zychodziačy z hetaha, budujecca i sudovaja praktyka, — dadaŭ jon.
— Tak, nialohka znachodzić adekvatnaje pakarańnie, kali havorka idzie ab sieryjnych zabojcach abo spravach bujnych bandaŭ. Naprykład, bandaj Marozava było ździejśniena bolš 20 zabojstvaŭ. Adnak my psichałahična rychtujem sudździaŭ da taho, što śmiarotnaje pakarańnie budzie admieniena, — zajaviŭ V.Sukała.
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek5
Kamientary