Kiraŭnik FIFA Błater idzie na piaty termin i suprać bajkotu ČS-2018 u Rasii
Kiraŭnik Mižnarodnaj fiederacyi futboła Zep Błater paćvierdziŭ svoj udzieł u vybarach prezidenta FIFA, zapłanavanych na maj 2015 hoda.
Błater kiruje arhanizacyjaj ciaham 16 hadoŭ, z 1998-ha, i čarhovy termin na pasadzie prezidenta moža stać dla jaho ŭžo piatym.
Hałoŭny apanient Zepa Błatera — prezident UEFA Mišel Płacini — raniej zajaviŭ, što vyrašyŭ nie ŭdzielničać u vybarach i asiarodzicca na pracy ŭ Sajuzie jeŭrapiejskich futbolnych asacyjacyj.
U červieni francuz zajaŭlaŭ, što bolš nie budzie padtrymlivać kandydaturu Błatera na vybarach, bo FIFA patrabuje «hłytka śviežaha pavietra».
78-hadovy Zep Błater abviaściŭ pra ŭdzieł u čarhovych vybarach u videaintervju, jakoje było prademanstravana na kanfierencyi «Sokareks» u Mančestery.
Pakul adziny kandydat, jaki padaŭ aficyjnuju zajaŭku na vybary, — eks-namieśnik hienieralnaha sakratara FIFA Žerom Šampań.
Na dumku ekśpiertaŭ, adsutnaść Mišela Płacini siarod kandydataŭ na pasadu prezidenta faktyčna harantuje pieraabrańnie Zepa Błatera.
Darečy Błater siońnia prakamientavaŭ situacyju z mahčymym bajkotam ČS-2018 u Rasii, da jakoha zaklikajuć zachodnija čynoŭniki.
«Tak, ja čuŭ pra toje, što hučać hałasy pra bajkot ČS-2018 u Rasii, ale bajkot u sporcie nikoli nie prynosiŭ nikomu nijakaj karyści. Davajcie pačakajem raźvićcia hieapalityčnaj situacyi.
My pa-raniejšamu pracujem z Rasijaj, try tydni tamu ja byŭ u Rasii, rehularna atrymlivaju spravazdačy, što tam adbyvajecca», — skazaŭ kiraŭnik FIFA.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary