Pra heta paviedamiła hałoŭny sinoptyk Respublikanskaha hidramieteacentra Ludmiła Paraščuk.
«Učora atmaśfierny front z Zachodniaj Jeŭropy pasprabavaŭ źmianić charaktar nadvorja ŭ našaj krainie. Marudna prasoŭvajučysia na ŭschod, jon dajšoŭ da centralnych rajonaŭ Biełarusi, dzie prajšli mocnyja daždžy, - skazała Ludmiła Paraščuk. Ale ciapier pad naciskam uschodniaha antycykłonu front paviarnuŭ nazad i ciapier viartajecca na terytoryju Polščy».
Pavodle słoŭ hałoŭnaha sinoptyka, u bližejšyja sutki i na hetych vychadnych nadvorje na terytoryi krainy budzie farmiravacca pad upłyvam vobłaści pavyšanaha atmaśfiernaha cisku. Tamu budzie pieravažna biez apadkaŭ. Nočču i ranicaj miescami mahčymy tuman. Viecier čakajecca paŭdniova-ŭschodni słaby.
Tempieratura pavietra nočču składzie plus 7-14 hradusaŭ, u dzionny čas pavietra prahrejecca da 20-26 hradusaŭ ciapła.
«U pačatku nastupnaha tydnia ŭpłyŭ na charaktar nadvorja ŭ Biełarusi pačnie akazvać skandynaŭski antycykłon», - raskazała Ludmiła Paraščuk.
Pad jaho upłyvam čakajecca pieravažna suchoje nadvorje, pry hetym na terytoryi krainy stanie krychu chaładniej.
Tempieratura pavietra nočču składzie plus 4-9 hradusaŭ, dniom pavietra prahrejecca da 17-22 hradusaŭ. Krychu ciaplej budzie pa paŭdniovym zachadzie, dzie nočču čakajecca plus 10-12 hradusaŭ, dniom - da 24 hradusaŭ vyšej za nul.
Kamientary