Reaktarnaje adździaleńnie Biełaruskaj AES budzie ŭźviedziena dakładna ŭ termin, paviedamili va ŭpraŭleńni kamunikacyj abjadnanaj kampanii AAT «NIAEP» — ZAT «Atambudekspart».
Ciapier na placoŭcy pracujuć 2783 čałavieki. Za astatnija da kanca hoda miesiacy subpadradnym arhanizacyjam nieabchodna vykanać 39 pracentaŭ ad zapłanavanaha hadavoha płana asvajeńnia kapitalnych układańniaŭ 2014-ha. Płan vieraśnia samy vialiki ŭ biahučym hodzie.
U žniŭni budaŭnictva AES pierajšło na nadziemnuju stadyju budaŭnictva. Na pieršym enierhabłokie BiełAES 29 žniŭnia ŭ prajektnaje pałažeńnie byŭ ustanoŭleny pieršy ŭzbujnialny mantažny błok (UBM) unutranaj achoŭnaj abałonki (UAA) z adznaki «minus 1,250» (1,25 m nižej za nulavuju adznaku) da «plus 9,400» (9,4 m vyšej za nulavuju adznaku) budynka reaktara pieršaha enierhabłoka. Pry hetym 11 vieraśnia ŭsie raboty pa mantažy błoka na hetaj adznacy zavieršany ŭ poŭnym abjomie. Usiaho ŭstanoŭlena 12 uzbujnialnych mantažnych błokaŭ.
Unutranaja achoŭnaja abałonka budujecca mietadam uzbujnialnaha mantažu, jaki daść mahčymaść uźvieści reaktarnaje adździaleńnie jakasna i ŭ termin. Mantaž UBM pieršaha błoka UAA byŭ vykanany dakładna pa hrafiku.
U Biełarusi buduć pabudavany dva enierhabłoki sumarnaj mahutnaściu da 2400 (2ch1200) MVt. Hienieralnym prajekciroŭščykam i hienieralnym padradčykam źjaŭlajecca abjadnanaja rasijskaja kampanija AAT «NIAEP» — ZAT «ABE».
Praduhledžana, što Biełaruskaja AES budzie ŭzvodzicca na ŭmovach poŭnaj adkaznaści hienieralnaha padradčyka. Dla budaŭnictva pieršaj Biełaruskaj AES vybrany prajekt «AES-2006» AAT «Sankt-Pieciarburhski navukova-daśledčy i prajektna-kanstruktarski instytut «Atamenierhaprajekt». Dla raźmiaščeńnia stancyi vyznačana Astravieckaja placoŭka ŭ Hrodzienskaj vobłaści.
Prajekt Biełaruskaj AES adpaviadaje mižnarodnym normam i rekamiendacyjam MAHATE, vyznačajecca pavyšanymi charaktarystykami biaśpieki i technika-ekanamičnymi pakazčykami.
Abjadnanaja kampanija AAT «NIAEP» — ZAT «ABE» źjaŭlajecca adnym ź lidaraŭ suśvietnaha atamnaha inžynirynhavaha biźniesu i zajmaje 31 pracent hłabalnaha rynku budaŭnictva AES. Pradstaŭnictvy i apieracyjnyja ofisy kampanii dziejničajuć na terytoryi 15 krain, amal 80 pracentaŭ partfiela zakazaŭ kampanii prypadaje na prajekty za miažoj
Kamientary