Alaksandr Łukašenka stavić zadaču stvareńnia poŭnaha zamknionaha cykła vytvorčaści pierśpiektyŭnych uzoraŭ ŭzbrajeńnia: ad srodkaŭ ruchomaści da srodkaŭ paražeńnia.
Pra heta jon zajaviŭ siońnia na naradzie pa pytańni stvareńnia vytvorčaści pierśpiektyŭnych uzoraŭ uzbrajeńnia.
«Nieabchodna asnaščać našu armiju sučasnaj, vysokadakładnaj i efiektyŭnaj zbrojaj, — skazaŭ kiraŭnik dziaržavy.— Technika pavinna zabiaśpiečvać padraździaleńniam Uzbrojenych Sił abaronienaść, vysokuju mabilnaść, kiravalnaść, mahčymaść vieści raźviedku i nanosić dakładnyja ahniavyja ŭdary na vialikija adlehłaści».
«I padychody tut, jak my zvyčajna kažam u pramysłovaści, što voś heta my kupim ci niejkuju častku zakupim, — nichto vam ničoha nie pradaść, kali vy nie stvorycie sami!
Navat kali z kimści damoviciesia siońnia ab raspracoŭcy niejkich vidaŭ zbroi, treba mieć na ŭvazie, što zaŭtra hety partnior ad vas sydzie. Nichto nie daść i nie pradaść navat za vialikija hrošy toje, što nam siońnia treba — pierśpiektyŭnyja vidy ŭzbrajeńnia. Vy bačycie heta na prykładzie našaj susiedniaj Ukrainy», — adznačyŭ Alaksandr Łukašenka.
Pavodle jaho słoŭ, nakolki heta važna ŭ sučasnych umovach možna bačyć na prykładzie bajavych dziejańniaŭ.
Alaksandr Łukašenka nahadaŭ słovy daŭno viadomaj mudraści: «Chočaš miru — rychtujsia da vajny». «Nam vajna nie pahražaje na siońniašni dzień, ale vojska treba uzbrojvać svoječasova, — ličyć biełaruski lidar. — Budziem hatovy adkazać na luby vyklik času, u tym liku i taki, značyć, vajny nie budzie. Na žal, tvar vajny mianiajecca. U suviazi z hetym pavinny źmianiacca i my».
Kamientary