Za niezakonnuju rybałku da pazbaŭleńnia voli pryhavorany 27-hadovy žychar Łuninieckaha rajona
Jak paviedamiŭ staršy prakuror adździeła prakuratury Bresckaj vobłaści Hienadź Bury, 28 maja niepadalok ad vioski Łachva Łuninieckaha rajona mužčyna ŭ mielijaracyjnym kanale ŭ pieryjad nierastu z vykarystańniem bradnika vyłaviŭ 23,44 kh ryby: 53 huściary, 48 ščupakoŭ, 17 akunioŭ, 16 čyrvanapiorak, 19 karasioŭ, 2 lina.
Brakańjera zatrymali na miescy złačynstva. Naniesieny ŭron skłaŭ 46 młn. 350 tys. rubloŭ.
27 žniŭnia sud Łuninieckaha rajona pryznaŭ jaho vinavatym u niezakonnaj zdabyčy ryby ŭ zabaronieny čas zabaronienymi pryładaj i sposabam, što paciahnuła pryčynieńnie ŭronu ŭ asabliva bujnym pamiery (č. 4 art. 281 KK), i pryhavaryŭ da adnaho hoda i šaści miesiacaŭ pazbaŭleńnia voli ŭ papraŭčaj kałonii va ŭmovach strohaha režymu.
Pytańnie pra spahnańnie ź jaho pryčynienaj škody vyrašajecca ŭ paradku hramadzianskaha sudavodstva. Jak adznačyŭ Bury, mužčyna abskardziŭ prysud i prasiŭ źmienšyć jamu termin pazbaŭleńnia voli.
7 kastryčnika sudovaja kalehija pa kryminalnych spravach Bresckaha abłasnoha suda pakinuła kasacyjnuju skarhu biez zadavalnieńnia, prysud — bieź źmieny. Vierdykt rajonnaha suda ŭvajšoŭ u zakonnuju siłu.
Asudžany pracavaŭ rybavodam u adnym z rybhasaŭ rehijona, raniej byŭ asudžany za pryčynieńnie ciažkich cialesnych paškodžańniaŭ.
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary