Były prezident SSSR, łaŭreat Nobieleŭskaj premii miru Michaił Harbačoŭ trapiŭ u balnicu z-za abvastreńnia chvaroby.
Pra heta ŭ čaćvier, 9 kastryčnika, jon paviedamiŭ «Ruskaj słužbie navinaŭ».
«U mianie apošnija siem dzion stan byŭ bolš-mienš, ale siońnia ja ŭ balnicy. Adbyłosia abvastreńnie. Ja lažu pad manitorynham, uvieś u dratach», — raspavioŭ Harbačoŭ. Jon sa škadavańniem adznačyŭ, što chvaroba pieraškodziła jamu sačyć za nobieleŭskim tydniem.
U 2011 hodzie były hienieralny sakratar CK KPSS pieranios składanuju apieracyju na chrybietniku ŭ adnoj z klinik Miunchiena. U krasaviku 2013 h. jon nie zmoh pajechać u Łondan na pachavańnie Marharet Tetčer z-za paharšeńnia stanu zdaroŭja i ŭźnikła nieabchodnaść terminova prajści kurs lačeńnia.
Uletku taho ž hoda Harbačova špitalizavali ŭ Centralnuju kliničnuju balnicu ŭ suviazi z tym, što jon niekalki hadoŭ pakutuje ad ciažkaj formy dyjabietu i pieranios niekalki apieracyj.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary