Vyrasła kolkaść naviednikaŭ kursaŭ «Mova nanova» ŭ Mahilovie FOTA
Z kožnaj sustrečaj pavialičvajecca kolkaść udzielnikaŭ moŭnych kursaŭ «Mova nanova — Mahiloŭ».
Na apošnich zaniatkach, pryśviečanych architektury, udzielniki nie tolki vandravali ŭ prastory i časie, ale taksama prahladzieli nievialičkaje videa pra Mahiloŭ, jakoje było zroblena ažno ŭ 1993 hodzie. Akramia taho, słuchačy kursaŭ prasłuchali mini-lekcyju pra historyju suśvietnaha dojlidstva ad mahiloŭskaj architektarki Aleny Kreŭčyk. A naprykancy paznajomilisia z prajektam viaślarnaha kanała, što budujecca ŭ rajonie vulicy Facina, ź jakim paznajomiła prysutnych jašče adna architektarka Halina Kalužnaja.
Dobraj tradycyjaj zaniatkaŭ staŭ movaznaŭčy konkurs, pieramožca jakoha atrymlivaje padarunak. Na siońniašnich zaniatkach padručnik pa biełaruskaj arfahrafii atrymaŭ lekar Aleś Kaściukovič.
«Mova nanova» — najbolš papularnyja z moŭnych kursaŭ, chvala jakich pajšła ŭ apošnija hady. «Mova nanova» pravodzicca nie tolki ŭ Miensku, ale i ŭ inšych haradach. U Miensku taksama adbyvajucca zaniatki «Movaviedy». U toj ža čas kursy «Mova ci kava», jakija źjavilisia ŭ svoj čas pieršymi, zakryła ich zasnavalnica Kacia Kibalčyč, praz kanflikt ź viadoŭcami.
-
Forum apazicyi nazyvajecca «Biełarusy hodnyja lepšaha». A pa-biełarusku pravilna tak kazać?
-
U ruskamoŭnaj Vikipiedyi płanujuć viarnuć nazvu Biełaruś. Dla Biełoruśsii nie zastałosia arhumientaŭ
-
Čat GPT vałodaje biełaruskaj movaj nie prosta dobra, a bliskuča. I prymaje kamandy, i pierakładaje, i redahuje teksty
Kamientary