Palityka Viktara Ivaškieviča pachavali 5 kastryčnika 2013 hoda na Paŭnočnych mohiłkach. Praz hod na jaho mahile źjaviŭsia pomnik. Jaho stvaryŭ skulptar Ihar Zasimovič.
Brat niabožčyka nie chacieŭ publičnych abviestak pra adkryćcio pomnika, tamu na mahile sabralisia tolki blizkija i siabry.
«Ustalavali pomnik na mahile Viktara Ivaškieviča. Hospadzie, ludzi, davajcie šanavać hierojaŭ, pakul jany žyvyja», — adazvałasia u Fejsbuku Natalla Radzina.
Viktar Ivaškievič pamior 3 kastryčnika na 55-m hodzie žyćcia. Jon ciažka chvareŭ, čakaŭ pieraščepu piačonki, ale donara tak i nie znajšli.
Z pačatku 1980-ch Viktar Ivaškievič byŭ aktyvistam moładzievaha nacyjanalnaha ruchu, udzielnikam pieršych, napaŭpadpolnych niezaležnickich supołak «Majstroŭnia», «Tałaka». Z 1988 — u Biełaruskim Narodnym Froncie. Byŭ arhanizataram strajkamaŭ na minskich pradpryjemstvach u 1991 hodzie.
Šmat razoŭ jaho aryštoŭvali. Byŭ redaktaram hazety «Rabočy». U kastryčniku 2002 byŭ asudžany na dva hady abmiežavańnia voli za publikacyju artykuła «Złodziej pavinien siadzieć u turmie», u jakim prakuratura ŭbačyła paklop na prezydenta.
Namieśnik staršyni Partyi BNF da 2009 hoda. Da lutaha 2011 h. byŭ kiraŭnikom minskaj haradskoj arhanizacyi BNF.
«Heta vielmi-vielmi vialikaja strata dla nacyjanalnaha ruchu. Ivaškievič byŭ sapraŭdnym ruchavikom, jon mieŭ kałasalnyja arhanizatarskija zdolnaści. Pakul inšyja spračalisia, jon braŭsia za spravu», — kazaŭ hod tamu nazad staršynia Partyi BNF Alaksiej Janukievič.
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary