Hałoŭnym pytańniem na pasiadžeńni stanie pryniaćcie sajuznaha biudžetu na 2008 hod. Jaho abjom vyras amal na 10 pracentaŭ u paraŭnańni z sajuznym biudžetam‑2007 i pierasiahnuŭ 4 młrd. rasijskich rubloŭ. Na razhlad VDS buduć taksama prapanavany pytańni, jakija datyčacca handlova‑ekanamičnaha supracoŭnictva, uzhodnienych dziejańniaŭ u halinie źniešniaj palityki, raźvićcia kultury i šerah inšych.
Asablivuju značnaść majuć pytańni vykanańnia biełaruska‑rasijskaj prahramy ŭzhodnienych dziejańniaŭ u halinie źniešniaj palityki na 2006‑2007 hady, vyniki jakoj buduć padviedzieny na pasiadžeńni VDS. Uzajemadziejańnie dźviuch krain u hetym napramku budzie pradoŭžana ministerstvami zamiežnych spraŭ Biełarusi i Rasii ŭ chodzie realizacyi anałahičnaj prahramy, raźličanaj na 2008‑2009 hady.
Vyšejšamu Dziaržsavietu buduć dałožany vyniki handlova‑ekanamičnaha supracoŭnictva Biełarusi i Rasii ŭ 2006 hodzie i pieršym paŭhodździ 2007 hoda. Tak, pa vynikach 2007 hoda tavaraabarot pamiž dziaržavami moža pierasiahnuć $23 młrd. Pieradumovami dalejšych ekanamičnych dasiahnieńniaŭ źjaŭlajucca farmiravańnie adzinaj ekanamičnaj i mytnaj prastory Sajuznaj dziaržavy, zabieśpiačeńnie roŭnych umoŭ dla subjektaŭ haspadarańnia, ustaranieńnie pieraškod dla svabodnaha ŭzajemnaha handlu.
Akramia taho, na razhlad vyniesiena prapanova ab prysudžeńni premij Sajuznaj dziaržavy za 2007‑2008 hady za tvory litaratury i mastactva, jakija ŭnosiać vialiki ŭkład va ŭmacavańnie adnosin bractva, družby i supracoŭnictva pamiž krainami. Da ŭznaharodžańnia prapanavany kandydatury Siarhieja Arcybašava, Uładzimira Haściuchina i Michaiła Finbierha.
Ciapier čytajuć
Kalekcyju karcin Viktara Babaryki raspradajuć ź vialikimi źnižkami. Ale biez samaha darahoha dla jaho tvora4
Kamientary