«Śbierbank» rekamienduje ŭładam Biełarusi zapavolić rost zarobkaŭ
Inflacyja ŭ Biełarusi ŭ 2014 hodzie składzie 18%, dla źnižeńnia tempaŭ rostu spažyvieckich cen nieabchodna zapavolić rost zarpłat.
Takija acenki pryvodziacca ŭ kastryčnickim ahladzie ekanamičnaj situacyi ŭ SND, jaki padrychtavali analityki kampanii Sberbank CIB (inviestycyjnaje padraździałnienie rasijskaha «Śbierbanka»).
«Inflacyja z pačatku hoda skłała 13,4%, i my miarkujem, što pa vynikach hoda jana dasiahnie 18%. Niadaŭniaje źmiakčeńnie hrašova-kredytnaj palityki ŭzmacniła inflacyjnyja ryzyki, i ŭ 2015 hodzie inflacyja, chutčej za ŭsio, taksama nie zapavolicca», — prahnazujuć aŭtary ahladu.
Ekanamisty rekamiendujuć zapavolić rost zarobkaŭ u Biełarusi dla źnižeńnia inflacyjnych pracesaŭ.
«Realnyja dachody nasielnictva raśli tymi ž tempami, što i pradukcyjnaść pracy, i «praźmierny» naminalny rost nivielavaŭsia inflacyjaj. Usio heta dazvalaje zrabić vielmi prostuju vysnovu: dla źnižeńnia inflacyi i źmianšeńnia nacisku na biełaruski rubiel nieabchodna, kab zapavoliŭsia rost naminalnaj zarabotnaj płaty», — havorycca ŭ kvartalnym ahladzie.
Zhodna z prahnozam inviestycyjnaha padraździaleńnia rasijskaha «Śbierbanka», inflacyja ŭ Biełarusi ŭ 2015 hodzie moža skłaści 17% i źnizicca ŭ paraŭnańni z prahnazavanym uzroŭniem 2014-ha na 1 pracentny punkt.
Nahadajem, prajekt Asnoŭnych kirunkaŭ hrašova-kredytnaj palityki na 2015 hod, jaki padrychtavaŭ Nacbank, praduhledžvaje źnižeńnie inflacyi ŭ nastupnym hodzie da 11%. Varta zaznačyć, što ŭ aficyjny prahnoz biełaruskich uładaŭ na 2014 hod zakładvałasia źnižeńnie inflacyi da 12%. Razam z tym pa vynikach za studzień—vierasień inflacyja ŭ Biełarusi ŭžo skłała 13,4%.
Na dumku rasijskich ekanamistaŭ, źmiakčeńnie hrašova-kredytnaj palityki, na jakoje pajšoŭ Nacbank Biełarusi sioleta, moža sadziejničać zachavańniu vysokich tempaŭ inflacyi. Ekśpierty źviartajuć uvahu, što hrašovyja ŭłady pajšli na źnižeńnie pracentnych stavak pa kredytach, što ŭžo vyklikała rost hrašovaj masy.
«Za studzień—vierasień 2013 hoda hrašovaja masa ŭ Biełarusi pavialičyłasia na 24% (u paraŭnańni z pačatkam hoda), tady jak za studzień—vierasień 2014-ha — na 16,8%. U trecim kvartale 2014-ha hadavy rost hrašovaj masy paskoryŭsia», — kanstatujuć analityki Sberbank CIB.
U suviazi z hetym ekśpierty zaznačajuć, što «praźmierny rost hrašovaj masy tradycyjna supravadžajecca pavyšeńniem inflacyi, što moža pryvieści da ŭźniknieńnia novych dysbałansaŭ».
Ciapier čytajuć
Siarhiej Cichanoŭski pierabraŭsia žyć u Łos-Andželes68
Kamientary