Razvodaŭ u Biełarusi stała mienš: ciapier raspadajecca tolki 40% šlubaŭ
Heta mienš na 10%, čym u 2012 hodzie, i na 20%, čym u 2001-m. Ciapier na 10 biełaruskich viasiellaŭ prypadaje 4 razvody.
Biełstat paviedamlaje, što pa stanie na studzień-vierasień 2014 hoda ŭ krainie zarehistravana 65 tys. šlubaŭ. Taksama za hety pieryjad zarehistravana 25 tys. razvodaŭ, to bok 38% ad zaklučanych šlubaŭ. Što cikava, za anałahičny pieryjad minułaha hoda ŭzrovień razvodaŭ u paraŭnańni z uzroŭniem zaklučeńnia šlubaŭ składaŭ ŭsio tyja ž 38%: tady na 68 tys. šlubaŭ pryjšłosia 26 tys. razvodaŭ.
Tym nie mienš, u apošnija hady siamiejnaja situacyja značna palepšyłasia: za anałahičny pieryjad 2012 kolkaść razvodaŭ na ŭzroŭni zaklučeńnia šlubaŭ składzieny 51%: na 59 tys. šlubaŭ pryjšłosia 30 tys. razvodaŭ.
Kolkaść razvodaŭ u Biełarusi
(u pracentnych suadnosinach ad kolkaści zaklučanych šlubaŭ)
| Hod | Kolkaść razvodaŭ |
| 2014 (studzień-vierasień) | 38 % |
| 2013 (studzień-vierasień) | 38 % |
| 2012 | 51% |
| 2011 | 44% |
| 2010 | 47% |
| 2009 | 44% |
| 2008 | 47% |
Samaja vialikaja kolkaść razvodaŭ za apošnija 15 hadoŭ zafiksavana ŭ 2001 hodzie: tady kolkaść razvodaŭ na ŭzroŭni kolkaści zaklučanych šlubaŭ skłała amal 60%.
Što viadoma pra siamju z Baranavičaŭ, u jakoj i mužu, i žoncy dali vielizarnyja terminy za «zdradu dziaržavie»11
Kamientary