Raspracavany dla marskoj avijacyi varyjant najnoŭšaha amierykanskaha źniščalnika F-35 upieršyniu pryziamliŭsia na pałubu avijanosca «Nimic» 3 listapada paśla piaci hod vyprabavańniaŭ, paviedamiŭ aficyjny sajt fłotu ZŠA.
F-35C pačynaje zachod na pasadku.
Ciapier piłoty jašče šmat razoŭ buduć adpracoŭvać uźloty i pasadki na avijanosiec, kab va ŭsich padrabiaznaściach viedać, jak pavodzić siabie F-35C padčas hetych dziejańniaŭ. Taksama buduć adpracoŭvacca apieracyi pa techničnym absłuhoŭvańni mašynaŭ na karablach.
Płanujecca, što mašyna budzie hatovaja dla sieryjnaj vytvorčaści i pieradačy ŭ vojski ŭ 2018 hodzie.
Isnujuć try asnoŭnyja madyfikacyi Lockheed Martin F-35 Lightning II (poŭny nazoŭ samalota) — F-35A (dla zvyčajnaj naziemnaj avijacyi), V (dla Korpusa marskoj piachoty) i S (pałubny źniščalnik). F-35V adroźnivajecca zdolnaściu da vykarystańnia karotkich uźlotnych pałosaŭ, a taksama da viertykalnaha ŭźlotu i pasadki.
«Marski» F-35S (źleva) zvonku adroźnivajecca ad zvyčajnych F-35 bolšym pamieram kryłaŭ.
F-35 — šmatmetavy źniščalnik 5 pakaleńnia, asnoŭnymi rysami jakoha źjaŭlajucca vykarystańnie technałohij źnižeńnia zaŭvažalnaści mašyny, vysokaja maneŭranaść, intehravanaja taktyčnaja kampjutarnaja sistema.
Adzinaj krainaj, jakaja maje sieryjny samalot 5 pakaleńnia na ŭzbrajeńni, źjaŭlajucca ZŠA. U hetym hodzie amierykanskija stełs-źniščalniki F-22 upieršyniu ŭdzielničali ŭ bajavych dziejańniach — suprać isłamistaŭ u Iraku i Siryi.
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary