U KNDR nie acanili rašeńnie Trampa skaracić maštab vučeńniaŭ z Paŭdniovaj Karejaj
Paŭnočnaja Kareja zajaviła, što skaračeńnie maštabu sumiesnych vajskovych vučeńniaŭ ZŠA i Paŭdniovaj Karei nie źmianiaje jaje staŭleńnia da hetych manieŭraŭ, piša Euronews.
U Paŭdniovaj Karei 19 žniŭnia pačalisia sumiesnyja amierykana-paŭdniovakarejskija vučeńni Ulchi Freedom Shield. U ich udzielničajuć vajskoŭcy dźviuch krain, a taksama pravodziacca treniroŭki pa dziejańniach u nadzvyčajnych i terarystyčnych situacyjach.
Pchieńjan tradycyjna razhladaje takija vučeńni jak padrychtoŭku da mahčymaj vajennaj apieracyi suprać Paŭnočnaj Karei. U KNDR padkreślili, što navat kali ZŠA i Paŭdniovaja Kareja skaračajuć maštab manieŭraŭ, heta nie źmianiaje ich sutnaści i nie ŭpłyvaje na pazicyju Paŭnočnaj Karei.
«My ličym, što heta nie varta jakich-niebudź kamientaroŭ, i nas heta zusim nie cikavić», — zajaviła ŭpłyvovaja siastra kiraŭnika KNDR Kim Čen Yna Kim Jo Čžon u zajavie, raspaŭsiudžanaj dziaržaŭnymi ŚMI.
Vučeńni adbyvajucca na fonie sproby administracyi prezidenta ZŠA Donalda Trampa adnavić kantakty z kiraŭnictvam KNDR. Jašče padčas svajho pieršaha prezidenckaha terminu Tramp sustrakaŭsia z Kim Čen Ynam i dapuskaŭ mahčymaść novych pieramovaŭ, adnak Pchieńjan pakul nie demanstruje hatoŭnaści admovicca ad svajoj žorstkaj pazicyi ŭ pytańniach biaśpieki i vajskovych vučeńniaŭ.
Ciapier čytajuć
Dzieviać čałaviek pamierli ŭ Breście i Minsku — usim im uvodzili adnyja i tyja ž leki. U preparacie znajšli bakteryi5
Kamientary