20 žniŭnia BNB-Bank paviedamiŭ pra surjozny zboj u pracy svaich sistem. Prablemy zakranuli adrazu niekalki asnoŭnych servisaŭ.
U pryvatnaści, časova byli niedastupnyja apieracyi ŭ novym mabilnym dadatku «Iskra», apieracyi ŭ kasach banka, a taksama apieracyi i płaciažy dla jurydyčnych asob. Pry hetym raźliki bankaŭskimi kartkami praciahvali pracavać.
U banku zajavili, što ŭžo vyśvietlili pryčynu niepaładak i zajmajucca ich likvidacyjaj. A 13:43 paviedamili pra adnaŭleńnie pracy servisaŭ.
Heta ŭžo nie pieršy maštabny techničny zboj u BNB-Banku za apošnija miesiacy. U pačatku leta bank sutyknuŭsia z surjoznymi prablemami, jakija praciahvalisia kala troch dzion. Tady nie pracavali mabilny dadatak banka, sajt, šerah servisaŭ i kantakt-centr, internet-bankinh dla jurydyčnych asob, a taksama značnaja častka bankamataŭ pa ŭsioj krainie.
Praź niekalki dzion paśla taho zboju BNB-Bank zapuściŭ novy mabilny dadatak «Iskra». U banku padkreślivali, što jon źjaŭlajecca ŭłasnaj raspracoŭkaj i pavinien zrabić karystańnie bankaŭskimi pasłuhami bolš zručnym.
Adnak padčas novaha zboju prablemy zakranuli i «Iskru». U vyniku karystalniki znoŭ sutyknulisia ź niemahčymaściu pravodzić častku apieracyj.
Ciapier čytajuć
Dzieviać čałaviek pamierli ŭ Breście i Minsku — usim im uvodzili adnyja i tyja ž leki. U preparacie znajšli bakteryi5
Kamientary