Respublikanski teatr biełaruskaj dramaturhii pastavić nie biełaruskuju dramaturhiju i nie na biełaruskaj movie
RTBD 20 žniŭnia adkryvaje svoj jubilejny XXXV teatralny siezon. Pieršaj premjeraj u im stanie śpiektakl «Maleńkija trahiedyi» pavodle Alaksandra Puškina.
Pastanoŭku na ruskaj movie rychtuje dyrektarka i režysiorka teatra Śviatłana Navumienka, a sama premjera zapłanavana na śniežań 2026 hoda.
«Maleńkija trahiedyi» — heta žamčužyna dramaturhii. Tamu zvarot da hetaha tvora dla nas nie tolki peŭny dośvied, ale i surjozny vyklik. I my žadajem uziać hetu vyšyniu…» — kaža Śviatłana Navumienka pra premjeru.
Navina vyklikała chvalu abureńnia i rasčaravańnia ŭ sacyjalnych sietkach. Karystalniki adznačajuć, što teatr stračvaje svaju hałoŭnuju admietnaść i moŭnuju prastoru, a taksama zadajucca pytańniem, čamu na scenie Teatra biełaruskaj dramaturhii robicca akcent na ruskuju kłasiku.
RTBD doŭhija hady zastavaŭsia adnym z troch dziaržaŭnych teatraŭ krainy (razam z Kupałaŭskim u Minsku i Kołasaŭskim u Viciebsku), dzie ŭsie śpiektakli išli vyklučna pa-biełarusku.
Z 2020 hoda skład trupy značna abnaviŭsia — zvolniena kala pałovy akcioraŭ i raniejšaje kiraŭnictva.
-
Jeździli letam da babuli ŭ viosku? Konkurs «Viki lubić vioski» źbiraje lubyja zdymki 23 tysiač miastečak, viosak i chutaroŭ Biełarusi
-
Vietkaŭskuju kalekcyju čakannych akładaŭ na abrazy ŭpieršyniu pradstaviać u Nacyjanalnym mastackim muziei
-
U Mahilovie sa svajho miesca źnikła čechaŭskaja «Dama z sabačkam». Što ź joj budzie
Ciapier čytajuć
«Źnik bieź źviestak» vielmi małady biełaruski najomnik12
«Źnik bieź źviestak» vielmi małady biełaruski najomnik
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny77
Kamientary
Ja badzieŭ ad takoj mahčymaści hladieć i słuchać, dyj karystacca rodnaj movaj.
Jak raz vučyŭsia tady na rasiskich kursach Dramaterhija i skončyŭ dva kursa. Pačaŭ pisać svaje ṕjesy i navat dasyłaŭ RNTB. Davaŭ spasyłki na Amazon, dzie byli i jość zaraz maje ṕjesy. Teatar płakaŭsia, što nabyć z Amazon nie moža i prasiŭ dasłać DLA ARCHIVA. Ja razumieŭ, što kali dziela archivu, to KDB nie čytaje takije jemiejły i ṕjesy. Niekalki ich dasłaŭ. Radnia ŭsio ž - RNTB i KDB.
U minułym 2025 hadu ŭ sieradu maje sustrečy ź śpiektaklami RNTB skončylisia razam z on łajn śpiektaklami. Teatr adkazaŭ, maŭlaŭ, časova, ale jašče z saviejkich časoŭ ja viedaju, što časova heta na niekalki tysiačahodździaŭ daŭžej viečnaści.
Voś tak, da taho Postanovlenija ot 1957 s kotoroho načałoś uničtožienije biełorusskoho jazyka na Biełarusi tohdašnimi kommunistami BSSR, s 1995 hoda uničtožajet movu viernyj leniniec Aleksandr Hrihoŕjevič Łukašienko. Naviernoje dobjet. I stanie hierojam niezaležnaj suvierennaj Respubliki Bieałruś.
Dziakuj Bohu ja zachapiŭ tut u Ńju_Jorku vizit Kołasaŭskaha teatru ź Viciebska. Jak jany tam na Baćkaŭščynie? Choć rodnuju movu pasłuchaŭ. A mova jak zaraz na Viciebščynie?