U 2014 Biełaruś raźličvaje vyručyć ad ekspartu sielhaspradukcyi nie mienš za $6 młrd
Pra heta zajaviŭ namieśnik ministra sielskaj haspadarki i charčavańnia Vasil Siedzin.
Namieśnik ministra adznačyŭ, što Biełaruś całkam zabiaśpiečvaje siabie pradukcyjaj sielskaj haspadarki. «U cełym naša zadača — zabiaśpiečyć vykanańnie ekspartu, — padkreśliŭ jon. — My imkniomsia da taho, kab u hetym hodzie atrymać vyručku nie mienš jak $6 młrd».
Užo ŭ 2015 hodzie stavicca zadača pa jaje pavieličeńni da $7 młrd. Ab hetym napiaredadni ŭ čas sustrečy deputataŭ z premjer-ministram, a taksama kiraŭnictvam ministerstvaŭ ekanomiki i finansaŭ, pradstaŭnikami Nacyjanalnaha banka zajaviŭ premjer-ministr Michaił Miaśnikovič.
Havoračy, u pryvatnaści, ab eksparcie praduktaŭ charčavańnia ŭ Rasiju, Vasil Siedzin kanstatavaŭ, što rabota idzie narmalna — pa pastaŭkach jak małaka, tak i miasnych praduktaŭ.
«My bolš jak 55 pracentaŭ pradukcyi pastaŭlajem u Rasiju, apošnim časam krychu pavialičyli pastaŭki syroŭ»,
— skazaŭ namieśnik ministra. Taksama jon adznačyŭ niekatoruju aktyvizacyju ŭ rabocie z handlovymi sietkami Rasijskaj Fiederacyi.
-
Dalnabojščyki zarablajuć šmat, ale kali iduć na piensiju abo pa kredyt, to vyjaŭlajecca, što nie ŭsio tak radasna
-
Novaje pakaleńnie hiendyrektaraŭ: moładź i daloka nie «krepkija chaziajśćvieńniki» masava ŭznačalvajuć tryljonnyja biznesy
-
Nie tolki Hrodna. Stała viadoma, u jakich jašče haradach Biełarusi źjavicca taksi Bro Car
Kamientary