У 2014 Беларусь разлічвае выручыць ад экспарту сельгаспрадукцыі не менш за $6 млрд
Пра гэта заявіў намеснік міністра сельскай гаспадаркі і харчавання Васіль Седзін.
Намеснік міністра адзначыў, што Беларусь цалкам забяспечвае сябе прадукцыяй сельскай гаспадаркі. «У цэлым наша задача — забяспечыць выкананне экспарту, — падкрэсліў ён. — Мы імкнёмся да таго, каб у гэтым годзе атрымаць выручку не менш як $6 млрд».
Ужо ў 2015 годзе ставіцца задача па яе павелічэнні да $7 млрд. Аб гэтым напярэдадні ў час сустрэчы дэпутатаў з прэм'ер-міністрам, а таксама кіраўніцтвам міністэрстваў эканомікі і фінансаў, прадстаўнікамі Нацыянальнага банка заявіў прэм'ер-міністр Міхаіл Мясніковіч.
Гаворачы, у прыватнасці, аб экспарце прадуктаў харчавання ў Расію, Васіль Седзін канстатаваў, што работа ідзе нармальна — па пастаўках як малака, так і мясных прадуктаў.
«Мы больш як 55 працэнтаў прадукцыі пастаўляем у Расію, апошнім часам крыху павялічылі пастаўкі сыроў»,
— сказаў намеснік міністра. Таксама ён адзначыў некаторую актывізацыю ў рабоце з гандлёвымі сеткамі Расійскай Федэрацыі.
Цяпер чытаюць
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі26
Каментары