Dzień chałaściaka ŭ Kitai: za 20 chvilin nakupili na 2 miljardy dalaraŭ
Kitajski hihant anłajn-šopinhu Alibaba rychtujecca ŭstalavać novy rekord internet-prodažaŭ. Tolki za pieršyja 20 chvilin tradycyjnaha rasprodažu na Dzień chałaściaka ŭ internet-mahazinach Alibaba było kuplena tavaraŭ na 2 młrd dalaraŭ.
Administracyja Alibaba upeŭnienaja: ustalavany imi ža na minuły Dzień chałaściaka rekord u 5.8 młdr dalaraŭ za 24 hadziny rasprodažu budzie pabity. Pakupki na miljard zafiksavanyja tolki za pieršyja 20 chvilin, a za hadzinu — na dva miljardy.
U kancy dnia suma anłajn-pakupak tolki na placoŭkach Alibaba moža skłaści bołš za 8 młrd dalaraŭ.
Heta pieravyšaje anłajn-prodažy na amierykanskija «Kibierpaniadziełak» i «Čornuju piatnicu» razam uziatyja.
Dzień chałaściaka — kitajski «Dzień śviatoha Valancina naadvarot».
11 listapada (čatyry adzinki ŭ dacie — kitajcy lubiać mahiju ličbaŭ) ličycca adnym z najlepšych dzion dla novych znajomstvaŭ. Da niadaŭniaha času samym papularnym sposabam śviatkavańnia byŭ abied sa svaim adzinym siabram, padčas jakoha treba było prademanstravać svaju niezaležnaść.
Alibaba ŭviali novuju tradycyju na Dzień chałaściaka — anłajn-rasprodažy, padobnyja da «Čornaj piatnicy» ŭ ZŠA. Źnižki zvyčajna vystaŭlajucca ad 20 da 70%, asobnyja tavary pradajucca na paradak tańniej.
Na placoŭkach Alibaba (Alibaba.com, AliExpress.com, Tabao.com i inš) realizujucca ŭsie mahčymyja tavary pa ŭsioj płaniecie. Abarot usich placovak kampanii za I paŭhodździe 2014 hoda skłaŭ 296 młrd dalaraŭ. Kolkaść aktyŭnych pakupnikoŭ — blizu 280 młn. 43% kampanii naležyć amierykanskaj Yahoo.
Ciapier čytajuć
Siarhiej Cichanoŭski pierabraŭsia žyć u Łos-Andželes72
Kamientary