Prykładny košt prajektu pa vytvorčaści ŭ Biełarusi paliŭnaha etanołu składzie na pieršapačatkovym etapie bolš za 200 miljonaŭ eŭraŭ.
Biełaruski bok i irlandzkaja kampanija «Hrynfiłd» padpisali ramačnaje pahadnieńnie pra vytvorčaść u Biełarusi paliŭnaha etanołu. Dadzieny prajekt praduhledžvaje budaŭnictva ŭ Biełarusi zavodu.
Ciaham 6 miesiacaŭ budzie adpracavany kompleksny plan, u jakim buduć zakładzienyja abjomy pa pavieličeńni ŭ Biełarusi vytvorčaści ziernia j inšaj raślinnaj syraviny dla vypracoŭki hetaha vidu paliva.
Adnačasova irlandzkaja kampanija ŭziała na siabie abaviazalnictvy pa finansavańni prajektu z pryciahnieńniem zachodnich investycyj.
U prajekcie buduć brać udzieł Babrujski hidrolizny zavod i zavod «Etanoł» u Mazyry.
Miarkujecca, što abjom nieabchodnych dla pierapracoŭki ŭ etanoł resursaŭ składzie 1,5 młn. t syraviny. Havorka idzie pra ziernie, a taksama pra mahčymaje zamiaščeńnie jaho cukrovymi burakami. Takija technalohii ŭžo adpracavanyja.
Prykładny košt prajektu składzie na pieršapačatkovym etapie bolš za 200 miljonaŭ eŭraŭ. U perspektyvie mahčymyja novyja investycyjnyja ŭkładańni.
Pavodle słovaŭ kiraŭnika kampanii «Hrynfiłd» Majkła Ryntfiełda, realizacyja prajektu pačniecca ŭžo z studzienia 2008 hodu.
Kamientary