Materyjały sajta Kamunikat.org, jaki paciarpieŭ ad chakierskaj ataki, adnavili
Adnoŭlenaja častka materyjałaŭ sajta internet-biblijateki Kamunikat.org, jakaja 7 maja stała abjektam ataki chakieraŭ. Pra heta 8 maja paviedamiŭ «Radyjo Svaboda» zasnavalnik internet-biblijateki i dyrektar adnajmiennaha vydaviectva Jarasłaŭ Ivaniuk.
Pa słovach Ivaniuka, sajt dla naviedvalnikaŭ pačnie pracavać nie adrazu.
«Spačatku treba pravieści ŭsie patrebnyja zachady, kab pierakanacca, što niama škodnaha virusa», — patłumačyŭ Jarasłaŭ Ivaniuk.
Dzień poŭnaha adnaŭleńnia pracy sajta jon nie nazvaŭ, jak i nie ŭziaŭsia acanić u pracentach dolu materyjałaŭ internet-biblijateki, jakuju ŭžo ŭdałosia adnavić.
«Sajt adnoŭleny faktyčna całkam. Ciapier zajmajemsia ŭdaskanaleńniem struktury, kab paźbiehnuć padobnaha rodu atak u budučyni. Praca idzie, ale kali jana budzie zavieršana, skazać pakul składana», — pryznaŭ Ivaniuk.
Jarasłaŭ Ivaniuk skazaŭ, što painfarmavaŭ pra zdareńnie ź internet-biblijatekaj ustanovu polskaj sistemy kibierbiaśpieki CERT Polska — kamandu reahavańnia na nadzvyčajnyja situacyi ŭ internecie, jakaja dziejničaje ŭ składzie dziaržaŭnaha daśledčaha instytuta NASK («Navukovaja i akademičnaja kampjutarnaja sietka»).
CERT Polska adkazvaje za reahavańnie na incydenty ź biaśpiekaj u internecie, ale nie maje śledčych kampietencyj. Tam Ivaniuka vysłuchali i prapanavali zapoŭnić adpaviednyja dakumienty ab zdareńni.
«Ja taksama raskazaŭ historyju cisku i atak na Kamunikat. Dalej jany buduć dziejničać pavodle svaich zadač, my ž praciahvajem vykonvać svaje. Ale ŭžo ciapier na 100% pierakanany, što hetaja ataka nievypadkovaja i što pad padobnaj pahrozaj apynulisia nie tolki my, ale i sajty inšych kulturnych biełaruskich prajektaŭ».
Ivaniuk zaklikaŭ kaleh pa biełaruskich kulturnych prajektach, kab byli pilnyja.
«U nas usio pačynałasia ŭ kastryčniku minułaha hoda, kali rezka ŭzraśli zapyty z IP-adrasoŭ, zarehistravanych u Kitai. U listapadzie ich było ŭžo ŭ tysiaču razoŭ bolš. Ad ataki ŭ kancy śniežnia ŭdałosia adbicca, ale ataka ciapier była jašče bolš masavaja: na nas napali adnačasova z adrasoŭ u Tajvani, Sinhapury, Indaniezii, inšych paŭdniovaazijackich krain. Tamu rekamiendavaŭ by kaleham być pilnymi, adsočvać padazronyja zapyty i svoječasova błakavać IP-adrasy, ź jakich jany iduć», — pieraličyŭ Jarasłaŭ Ivaniuk svaje parady ŭ razmovie z «Radyjo Svaboda».
Pavodle Jarasłava Ivaniuka, praca dziela adnaŭleńnia internet-biblijateki praciahvajecca.
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»
Sajt anłajn-biblijateki «Kamunikat» zaznaŭ mahutnuju chakierskuju ataku
Čatyrnaccać vydaviectvaŭ, kala paŭtysiačy knih… Zasnavalniki novaj varšaŭskaj kniharni Kamunikat.shop raskazali pra dalejšyja płany
Ciapier čytajuć
Kudy ciapier jeduć vučycca biełaruskija studenty — top krain i tendencyj11
Kudy ciapier jeduć vučycca biełaruskija studenty — top krain i tendencyj
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7373
Kamientary
Kamunikacija trochi błytanaja. Nibyta adnavili, ale ŭ 100% nie ŭpeŭnieny. I "źniščana 25-hadovaja praca", kali bekapy ŭsio ž byli, zachoŭvali tuju pracu. Pryhadaŭ kazku pra pastucha i vaŭka.