Z 0,293 da 0,335 pavialičany z 1 studzienia kaeficyjent, jaki ŭžyvajecca da myta na syruju naftu, što vyvozicca z Rasii ŭ Biełaruś.
Z 0,293 da 0,335 pavialičany z 1 studzienia kaeficyjent, jaki prymianiajecca da mytnaj pošliny na syruju naftu, što vyvozicca z Rasii ŭ Biełaruś.
Takoje pavyšeńnie praduhledžana mižuradavym rasijska-biełaruskim pahadnieńniem ab mierach pa ŭrehulavańni handlova-ekanamičnaha supracoŭnictva ŭ halinie ekspartu nafty i naftapraduktaŭ ad 12 studzienia 2007 hoda.
Zhodna z dakumientam, panižalny kaeficyjent na 2007 hod skłaŭ 0,293, na 2008-y — 0,335, na 2009-y — 0,356.
Z 1 śniežnia 2007 hoda pamier mytnaj pošliny na syruju naftu, jakaja vyvozicca z Rasii, roŭny 275,4 dołara ZŠA za tonu. Da 31 śniežnia dla nafty, što vyvozicca ŭ Biełaruś, staŭka raŭniałasia 80,69 dołara za tonu, z 1 studzienia jana ŭzrasła da 92,26 dołara, abo na 14,3%.
Z 1 lutaha 2008 hoda rasijski ŭrad pavialičyć pošlinu z 275,4 da 333,8 dołara, abo na 21,2%. Adpaviedna dla nafty, jakaja vyvozicca ŭ Biełaruś, staŭka pavialičycca z 92,26 da 111,82 dołara. Pry starym kaeficyjencie hety pakazčyk byŭ by roŭny 97,8 dołara za tonu.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii14
Kamientary