Hałavanaŭ paśpiašaŭsia?

Infarmacyja ab tym, što Partyja kamunistaŭ Biełaruskaja (PKB) nie ŭstaraniła parušeńni, vyjaŭlenyja Ministerstvam justycyi, i ŭ suviazi z hetym budzie likvidavana, nie adpaviadaje sapraŭdnaści. Pra heta ŭ intervju BiełaPAN zajaviŭ namieśnik staršyni PKB Valeryj Uchnaloŭ.

2 studzienia dziaržaŭnaje ahienctva BIEŁTA sa spasyłkaj na ministra justycyi Biełarusi Viktara Hałavanava paviedamiła, što Miniust maje namier nakiravać u Viarchoŭny sud iskavuju zajavu ab likvidacyi PKB. Paviedamlałasia taksama, što PKB nie ŭstaraniła parušeńni, jakija stali pryčynaj prypynieńnia jaje dziejnaści ŭ žniŭni 2007 hoda. U pryvatnaści, adznačałasia, što šerah arhstruktur PKB pa‑raniejšamu raźmiaščajucca nie pa jurydyčnych adrasach; u mnohich vypadkach ich dziejnaść praktyčna nie viadziecca; u pradastaŭlenych u Miniust śpisach členaŭ PKB značacca pamierłyja abo niedziejazdolnyja hramadzianie; u partyi nie naładžana naležnym čynam praca pa ŭliku členskich uznosaŭ. «Mahčyma, partyja sprabavała ŭstaranić hetyja parušeńni, adnak u ministerstva nijakich dokazaŭ ab ich vypraŭleńni pakul nie pradstaŭlena», — cytavała ahienctva BIEŁTA V.Hałavanava.

Pry hetym paviedamlałasia, što termin prypynieńnia dziejnaści PKB zakančvajecca 2 studzienia.

«Hetaja infarmacyja nie adpaviadaje sapraŭdnaści praktyčna poŭnaściu, — zajaviŭ V.Uchnaloŭ. — Pa‑pieršaje, termin prypynieńnia dziejnaści partyi zakančvajecca 2 lutaha. Pa‑druhoje, nichto ź Miniusta jašče nie praviaraŭ ni našu partyju, ni našy struktury, tamu havaryć ab niejkich parušeńniach abo niedachopach nielha. Pa‑treciaje, usie dakumienty ab ustaranieńni parušeńniaŭ, za jakija dziejnaść partyi prypyniena, my pavinny nakiravać za 10 dzion da kanca terminu prypynieńnia, i hetyja dakumienty abaviazkova buduć nakiravany ŭ Miniust 21—22 studzienia».

Pavodle słoŭ V.Uchnalova, kiraŭnictva PKB užo nakiravała ŭ Miniust, Viarchoŭny sud i ahienctva BIEŁTA listy z prośbaj dać tłumačeńni i abvierhnuć ahučanuju infarmacyju. Hetuju infarmacyju ŭ partyi rasceńvajuć jak adzin z padrychtoŭčych etapaŭ dla nastupnaj likvidacyi PKB, padkreśliŭ Uchnaloŭ.

BiełaPAN

• 0
• 0
• 0
• 0
• 0
• 0