Łukša raskazaŭ pra svoj udzieł u prapahandysckim filmie «Małady front. Kidnepinh»
I nazvaŭ aŭtara hetaha filma — prapahandyst Juryj Prakopaŭ. «Mianie jak maładoha svabodnaha pacana paprasili źjeździć ź imi».
Prapahandyscki film «Małady front. Kidnepinh» vyjšaŭ na BT u 2009 hodzie. U im lidara maładafrontaŭcaŭ Źmitra Daškieviča abvinavačvali ŭ razvale siemjaŭ i «vykradańni» dziaciej. U kadry tady źjaviŭsia i małady karespandent BT Dźmitryj Łukša.
Daškieviča zaraz utrymlivajuć za kratami, palitviaźniem paśpieŭ pabyć i sam Łukša. U novym vypusku TOKu jon raskazvaje, jak trapiŭ u heta haniebnaje prapahandysckaje videa.
«Ja razumieju, što razyhrana było kłasna. Toj čałaviek, jaki byŭ aŭtaram filma, nie zachacieŭ śviacicca», —
zaŭvažaje Łukša i ŭpieršyniu nazyvaje jaho — Juryj Prakopaŭ.
Łukša ŭzhadvaje padziei 2009 hoda. Jamu tady prapanavali źjeździć u Staryja Darohi, kab zrabić tam zdymki dla filma. Što za film, nie skazali: «Nu tam u Jury niejki film. Jon pa zdymkach nie paśpiavaje».
«Byŭ rańni vyjezd. Ja prychodžu. U mašynu sadzicca niejki čałaviek i niejkaja žančyna. «Vy chto?» — «Mianie zavuć Vasil. Ja supracoŭnik KDB. Heta mama našaha hieroja». My pryjazdžajem u Staryja Darohi. Ja havaru: «Što zdymać treba?» Mnie havorać, što voś my zaraz pojdziem u kvateru. Ja na miescy daviedvajusia, što heta kvatera Źmitra Daškieviča.
Mnie na miescy raskazvajuć, chto heta — sam ja nie byŭ nastolki pahružany va ŭsio heta. (…)
I mnie paralelna zvoniać ź Minska: «Dzima, ty ŭsio zdymi, pryniasi dysk. My tut usio sami. Tabie tolki źniać». Dobra. My zdymajem. Ja adpracavaŭ hety dzień. My pryjazdžajem u Minsk. Ja navat jaho nie adhladaŭ. Ja addaju hety dysk aŭtaru filma. I zusim pra hetyja zdymki zabyŭsia».
Praź niekalki tydniaŭ Łukšu napisała siabroŭka i raskazała, što na jaho staroncy va «UKantakcie» šmat niehatyŭnych kamientaroŭ. Jon nie adrazu zmoh zrazumieć, što pasłužyła nahodaju dla ich.
«Ja realna nie razumieŭ, što adbyłosia. Hartajučy ścianu ŭniz, ja vyśviatlaju, što mianie na dźvie siekundy śvietanuli ŭ kadry. Niechta z maich adnakurśnikaŭ mianie paznaŭ», — raskazvaje Łukša.
Dźmitryj adznačaje, što ŭ pieršyja dni jamu było niekamfortna vychodzić na vulicu, bo jon dumaŭ, što ŭsie ludzi jaho viedajuć. Jon taksama ličyŭ, što jaho karjera na telebačańni skončyłasia.
Pa słovach Łukšy, jon nie adkazvaŭ na abvinavačvańni. Na jaho numar telefona, jaki taksama byŭ raźmieščany ŭ internecie, pazvanili dva čałavieki:
«Dźmitryj, vy zdymali hety film?» Ja havaru: «Nie». Ja raskazaŭ, što źniaŭ adzin epizod. Mianie ŭ im śvietanuli. I bolš ja da jaho nie maju nijakich adnosin. «Dobra. Ja vas pačuŭ». Nie viedaju, chto heta byŭ. Potym adzin ź ich raźmiaściŭ u niejkim čacie: «Ja siońnia razmaŭlaŭ ź Dźmitryjem Łukšam, i jon mnie raskazaŭ voś heta».
I potym inšyja rabiaty-studenty stali pisać: «Dzima źniaŭ tolki epizod». A na mianie viešali, što ja aŭtar. I ŭsie ździŭlalisia, što, maŭlaŭ, jamu 19 hadoŭ, a jon užo takija filmy valić».
Łukša zhadvaje, što paśla z aŭtaram filma razmaŭlaŭ Kirył Kazakoŭ, adzin z načalnikaŭ na BT.
«Pa słovach Kiryła, jon padyšoŭ [da Prakopava] i spytaŭ: «Navošta ty Łukšu padstaviŭ?» Na što jon adkazaŭ: «Nu a što? Para stanavicca bolš złosnym».
***
Dźmitryj Łukša naradziŭsia ŭ 1989 hodzie. U kancy 2000-ch i pieršaj pałovie 2010-ch pracavaŭ na BT, byŭ viadučym «Zony Ch».
U 2020 zdymaŭ pratesty dla kazachstanskaha telekanała «Chabar». U 2022 byŭ aryštavany i prysudžany da 4 hadoŭ źniavoleńnia za ŭdzieł u demanstracyjach i «dyskredytacyju Biełarusi». Razam ź im była asudžanaja jaho žonka Palina Pałavinka. Adbyvaŭ pakarańnie ŭ kałonii ŭ Škłovie.
Vyzvaliŭsia 3 lipienia 2024 hoda pa pamiłavańni adnačasova z žonkaj, paśla čaho siamja źjechała ŭ Polšču.
Hladzicie całkam:
«Maładomu frontu» — 27 hadoŭ. Što rabiła i kaho vychavała apazicyjnaja «kuźnia kadraŭ»
«Usie bačyli, što jamu padabajecca Nataša, i dumali: «Nu kali vy ŭžo?!» Były palitviazień Łukša raskazaŭ pra svaje adnosiny z Ejsmantami
Vyzvalenyja pa pamiłavańni Palina Pałavinka i Dźmitryj Łukša pierajechali ŭ Polšču
«Usio było padrychtavana, ale nie paśpieŭ vyjechać ź Biełarusi». Raskazvajem pra eks-viadučaha BT Łukšu i jaho zatrymańnie KDB
Kamientary
Krucicca, jak ujun na patelni.
Svaich nie zdaje.
Narciss.
-Što jon braŭ ŭdzieł ŭ pieradačy "Podźvihi milicyjantaŭ".
-To bok, ŭsie hetyja historyi jak jon prychadniem švendaŭsia pa chatach aryštavanych, zdymaŭ videa, jak tyja žuracca pierad partyjaj i ŭradam, zara...
-Tak, praźmiernyja detali, pra jakija, viadoma, niebiaźcikava paraspytać, naprykład, ŭ viaźnicy ŭ brackaj chacie (a jakoj, pierakonvaju, apera spadara Łukšu pilna dahladali nie zakinunuć) ci padčas asabistaje razmovy. Ale nia ŭziracca kamplimentarnych raspytaŭ rahatuchi-viadovicy
-Łady, Akabčyk, a voś hety hołas milicyi zhadaju, jak "Žandarskija historyjki" byli najrejtynhiviejšaj pieradačaj
-Viadoma, Boh pabačyŭ ščyry hladacki intares i ciapier milicejskaja fabuła pracinaje hladackaje žyćcie paŭsiudna naskroź