Biełaruskija dobraachvotniki ŭdzielničali ŭ vyzvaleńni ad akupantaŭ pradpryjemstva ŭ Vaŭčansku
Hałoŭnaje ŭpraŭleńnie raźviedki Minabarony Ukrainy paviedamiła, što padraździaleńni HUR vyzvalili ad akupantaŭ ahrehatny zavod u horadzie Vaŭčansku na Charkaŭščynie. Pry pieraliku padraździaleńniaŭ, jakija da hetaha spryčynilisia, zhadvajucca i biełarusy.
Paviedamlajecca, što ŭ vyniku nadzvyčaj składanaj i paśpiachovaj apieracyi padraździaleńni HUR całkam vyzvalili terytoryju Vaŭčanskaha ahrehatnaha zavoda i źniščyli akupantaŭ va ŭsich budynkach pradpryjemstva.
Jak śćviardžajecca, apieracyju ździejśnili śpiecyjalnyja hrupy HUR: «Stuhna», «Parahon», RDK, «Junhier», BDK, «Teror».
Apošnija dva, Biełaruski dobraachvotnicki korpus (BDK) i «Teror» — biełaruskija padraździaleńni.
Pavodle paviedamleńnia pres-słužby HUR, bajcy pravodzili sistemnuju začystku budynkaŭ zavoda, pastajanna ŭstupajučy ŭ kantaktnyja bai z praciŭnikam va ŭmovach ščylnaj zabudovy. U asobnych vypadkach im daviałosia ŭstupać z voraham u rukapašny boj.
Suprać ukrainskich raźviedčykaŭ bieśpierapynna vykarystoŭvałasia značnaja kolkaść artyleryi, udarnych dronaŭ-kamikadze, KABaŭ i ciažkija ahniamiotnyja sistemy «Sancapiok». Tym nie mienš, bajcam HUR udałosia źniščyć praciŭnika, uziać pałonnych i začyścić usie 30 budynkaŭ zavoda.
Były kalinoviec zapuściŭ ułasny brend. Srodki pojduć na dapamohu
Va Ukrainie biełaruskaha dobraachvotnika pakarali ŭmoŭnym terminam za chulihanstva z vykarystańniem zbroi
Dobraachvotnik Hrot: Tvaja kraina ŭ akupacyi, što ty robiš, kab jaje vyzvalić?
«Našy klijenty ryzykavali samym kaštoŭnym, kab Ukraina była volnaj». Jak biełaruska stvaryła reabilitacyjny centr dla vajaroŭ pad Kijevam
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha3
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary