Pradajecca na aŭkcyjonie: Kryvošyn i vakolicy na niamieckich zdymkach Pieršaj suśvietnaj vajny
Na internet-aŭkcyjonie źjavilisia ŭ prodažy novyja zdymki, zroblenyja niamieckimi žaŭnierami na biełaruskaj ziamli.
Ciapier pradajucca fota, što tyčacca Lachavickaha rajona: viosak Kryvošyn, Vostraŭ i ich vakolic.
Asabliva cikavyja zdymki Carkvy Pakrova Praśviatoj Baharodzicy ŭ Kryvošynie (pabudavanaj jašče ŭ 1670 hodzie). Chram pakazany z roznych rakursaŭ, a taksama ź siaredziny.
Taksama jość zdymak draŭlanaj Pietrapałaŭskaj carkvy ŭ Vostravie, jakaja taksama zachavałasia praz usie vichury stahodździaŭ da siońniašnich dzion.
Majecca fota ŭročyšča Repichava kala Kryvošyna. Siońnia tam znachodzicca park pry byłoj siadzibie Patockich. Adnak pa zdymku bačna, što siarod uročyšča byli i pachavańni niamieckich žaŭnieraŭ.
Bolšaść zdymkaŭ kaštuje 1,99 jeŭra.
Pradaviec aŭkcyjonu pad nikam — antikpostkarte1940.
Kamientary